छत्तीसगढ़ के पूर्व मुख्यमंत्री के बेटा चैतन्य बघेल के ऊपर ईडी (एनफोर्समेंट डायरेक्टरेट) के बड़का कार्यवाही होय हावे। शराब घोटाला मं जुड़े मामला मं ईडी 61.20 करोड़ रूपिया के संपत्ति कुर्क करे हावे, जेमां 364 प्लॉट सामिल हवंय।

ईडी के अधिकारी मन कहिन कि, ये सब संपत्ति शराब कारोबार के अवैध लेन-देना ले जुड़ाय हवय। जांच मं पता चलिस कि चैतन्य बघेल अऊ ओकर संगे-संगे जुड़े लोगन मन ये जमीन-प्लॉट खरीदे रहिन, अऊ अवैध कमाई ला सफेद बनाय के कोशिश करे गइन।

जांच एजेंसी मन कहिन कि 364 प्लॉट के अलावा बैंक खाता, एफडी अऊ दू-तीन किसिम के इन्वेस्टमेंट मं भी गड़बड़ी मिलिस हवय। अब ईडी के टीम ये सब बात ला जांचत हवय कि ये संपत्ति कऊन-कऊन के नाम मं हवय अऊ पैसा कतका घूमाय गिस।

राजधानी रायपुर ले लेकर दिल्ली तक, ये मामला मं बड़का चर्चा चलत हवय। राजनीतिक गलियारा मं लोगन मन कहत हवंय कि ईडी के ये कसिस एक सख्त संदेश देथे—अब भ्रष्टाचार मं जेन घुसही, वोला छोड़इच नइ जाही।

चैतन्य बघेल के तरफ ले अब तक कऊनो बयान नइ आय हवय। ईडी के अनुसार, अगर जांच मं ये बात साबित हो जाही कि ये संपत्ति अवैध कमाई ले खरीदे गिस, त फेर मनी लॉन्ड्रिंग एक्ट के तहत भारी सजा अऊ जुर्माना हो सकथे।

छत्तीसगढ़ मं शराब घोटाला के बाद ये कार्रवाई ला लोगन मन कानून के सख्ती के रूप मं देखत हवंय। अब सब्बो के नजर आगे के कदम ऊपर टीके हवय कि ईडी अगला फैसला फैसला कब लाथे।