एंड्रॉयड यूजर्स ध्यान देव, ये तारीख के बाद नई कर सकव ए ऐप के इस्तेमाल।
Microsoft Outlook Lite : एंड्रॉयड फोन चलाय वाला मन बर एक जरूरी खबर हे। अगर आप मन घलो अपन मोबाइल मा माइक्रोसॉफ्ट के ‘आउटलुक लाइट’ (Outlook Lite) ऐप के इस्तेमाल करत हो, त अब सावधान हो जाव। कंपनी ह घोषणा कर दे हे कि ये ऐप जल्द ही बंद होय वाला हे। माइक्रोसॉफ्ट अब अपन पूरा ध्यान ‘आउटलुक मोबाइल’ ऐप ऊपर लगावत हे, जेखर से यूजर्स ला जादा सुविधा मिल सके।
25 मई के बाद बंद हो जाही सेवा खबर के मुताबिक, 25 मई 2026 के बाद आउटलुक लाइट ऐप काम करना बंद कर देही। हालांकि, ये तारीख के बाद घलो आप मन ऐप ला खोल त सकथो, फेर ओमा ईमेल, कैलेंडर या कोनो भी फाइल (अटैचमेंट) ला देख नइ सकव। कंपनी ह नवा डाउनलोड ला पहिले ही रोक दे रिहिस हे, ताकि नवा लोगन मन एखर ले झन जुड़ंय।
काबर बंद होवत हे ये ऐप? आउटलुक लाइट ला खास करके कम कीमत वाले मोबाइल अउ कम इंटरनेट स्पीड वाले इलाका मन बर बनाए गे रिहिस। फेर अब कंपनी ह चाहत हे कि सबो यूजर्स ‘आउटलुक मोबाइल’ ऐप मा शिफ्ट हो जायं। एमा जादा फीचर्स हें अउ ये माइक्रोसॉफ्ट 365 के साथ बढ़िया ढंग ले काम करथे।
यूजर्स ला अब का करना होही? अगर आप आउटलुक लाइट चलात हो, त अपन ईमेल अउ जरूरी जानकारी ला सुरक्षित रखे बर जल्दी ले ‘आउटलुक मोबाइल’ ऐप डाउनलोड कर लव। माइक्रोसॉफ्ट ह खुद ऐप के भीतर ‘अपग्रेड’ के विकल्प दे हे, जेखर ले आप मन सीधा गूगल प्ले स्टोर मा जाके नवा ऐप डाल सकथो। नवा ऐप मा लॉगिन करत ही आप मन के पुराना सबो ईमेल अउ कैलेंडर के जानकारी वापस मिल जाही।
