जेल मं आरोपी मोबाइल ले बात करत दिखिस — पुलिस अऊ जेल प्रबंधन मं उठिस सवाल”

अंबिकापुर मं कानून-व्यवस्था ले जुड़व गंभीर मामला सामे आय हवय। केंद्रीय जेल केंपस मं एक झिन आरोपी के मोबाइल ले बात करत हावय के वीडियो खूबे वायरल होवत हवय। ये वीडियो मं आरोपी जेल के मुख्य गेट के पाछू जमीन मं बइठे-बइठे आराम ले मोबाइल मं बात करत दिखत हवय।

जऊन बखत ये वीडियो बनाय गे रहिस, ओ बखत पुलिस के लोगन घलो ओहिच जगा मं खड़ा रहिन। ए बात ले जनता मं सवाल उठ गे हवय के जेल जइसने सख्त जगह मं मोबाइल फोन आरोपी तक कइसने पहुंचिस?

आरोपी अंश पंडित ला पुलिस मारपीट अऊ एसआई के घर हमला करे के मामला मं पकड़ के जेल भेजे रहिस। फेर जेल गेट के पाछू ओला मोबाइल मं बात करत देखे गे हवय। सुरक्षा व्यवस्था के हिसाब ले जेल मं मोबाइल पूरी तरह मना हवय, फेर घलो आरोपी के हाथ मं मोबाइल आना, बड़का लापरवाही बतावत हवय।

ए घटना ले पुलिस अऊ जेल प्रबंधन के ऊपर सवाल उठे लगिस। जनता अऊ सामाजिक संगठने अब प्रशासन ले मांग करत हवंय के पूरा मामला के जांच होय अऊ जिम्मेदार मन ऊपर कड़ा कारवाही होय।