कांकेर मं 21 नक्सली मन हथियार धरिस, 18 रायफल पुलिस ला सौंपिन”

छत्तीसगढ़ के कांकेर जिला मं एतिहासिक घलो कदम देखे ला मिलिस। नॉर्थ सब जोनल ब्यूरो मं सक्रिय 21 नक्सली मन रविवार के दिन जंगल ले निकल के आत्मसमर्पण करिन। ये मन लंबे बखत ले नक्सल गतिविधी मं जुड़े रहिन, फेर अब हिंसा के राह छोड़ के समाज मं लौटे के फैसला करिन।

सरेंडर के बखत नक्सली मन अपन संग 18 ऑटोमेटिक हथियार — जेमां AK-47, INSAS rifle अऊ SLR rifle जइसन रायफल घलो समिल रहिस — पुलिस ला सौंप दिन। ये नक्सली मन मं DVCM अऊ ACM जइसन बड़े पद के कैडर घलो रहिन, जऊन मन इंद्रावती एरिया कमेटी के माड़ डिवीजन मं सक्रिय रहिन।

सरकार अऊ पुलिस के कहे मुताबिक, ये आत्मसमर्पण अभियान ले इलाका मं शांति अऊ विकास के रस्ता अउ बढ़ही। पिछले 15 दिन मं बस्तर अऊ गढ़चिरोली मिल के 292 नक्सली मन आत्मसमर्पण कर चुके हें। अब इंद्रावती इलाका लग्भग नक्सल मुक्त होय जा थे।

सरकार कहिस के आत्मसमर्पण करे वाला नक्सली मन ला पुनर्वास योजना के फायदा देवाय जाही। ये कदम ले गांव-गांव मं शांति, सुरक्षा अऊ विकास के माहौल बने के उमेद बढ़ गे हवय।