छत्तीसगढ़ म आज ले मतदाता जाँच सुरू: घर-घर जाहीं 27 हजार BLO

छत्तीसगढ़ म आज ले वोटर लिस्ट के स्पेशल इंटेंसिव रिवीजन (SIR) सुरु हो गे हे। ये अभियान के तहत 27 हजार ले जियादा BLO (बूथ लेवल अफसर) घर-घर जाके मतदाता मन के जानकारी जांचही। ये काम म सरकार के मनसा हे कि हर पात्र नागरिक के नाम वोटर लिस्ट मं जरूर होवय।

निर्वाचन आयोग मन जानकारी देहे हावय कि इस दफा 95% ले जियादा मतदाता मन ला कागज-दस्तावेज दिखाय बर जरूरत नइ परही। जउन मन के नाम 2003 के वोटर लिस्ट म पहले ले मौजूद हे, वोमन ला कोई दिक्कत नइ होही। सिरिफ 5-6% मन ला अपन कागज दिखाय बर परही, खासकर के जऊन मन नवा वोटर हे, पता बदलाय हावय, कि नाम पहली सूची मं नइ रहे।

BLO घर-घर जाके परिवार के सदस्य मन के नाम, उम्र, पता अउ अन्य डिटेल चेक करही। जऊन जगह मं नवा नाम जोड़ना हे, सुधार या हटाना हे, वहाँ फॉर्म भराय जाही।

ये अभियान चलत-चलत दावा-आपत्ति के प्रक्रिया घलो होही। आखिरी म 7 फरवरी 2026 वाले दिन फाइनल वोटर लिस्ट जारी करी जाही।

निर्वाचन अधिकारी मन जनता ले कहिन हे कि जब BLO घर आवय त सहयोग करव, सही जानकारी देवव, अउ अपन वोट बनवाय के काम ला पूरा करव। ये अभियान ले हर पात्र नागरिक लोकतंत्र म हिस्सा ले सकही।