CGPSC Mains Exam Result 2024: लोक सेवा आयोग ले जाहीर करे मुख्य परीक्षा के रिजल्ट, 643 परीक्षार्थी इंटरव्यू बर चयनित
CGPSC Mains Exam Result 2024: छत्तीसगढ़ लोक सेवा आयोग (CGPSC) ले राज्य सेवा मुख्य परीक्षा 2024 के परिणाम ला जाहीर कर दे हे। आयोग के वेबसाइट www.psc.cg.gov.in मं रिजल्ट अपलोड कर दे गे हे। कुल 3737 अभ्यर्थी मन मं ले 643 मन ला इंटरव्यू (साक्षात्कार) बर प्रावधिक रूप मं चयनित करे गे हे।
आयोग के प्रेस विज्ञप्ति के मुताबिक, राज्य सेवा परीक्षा 2024 के तहत 17 विभाग मं 246 पद भरती बर निकाले गे रहिस। मुख्य परीक्षा 26 ले 29 जून 2025 के बीच कराए गे रहिस। अब आयोग ले वर्गवार अऊ उपवर्गवार न्यूनतम पात्रता अंक के आधार मं 643 परीक्षार्थी मन के नाम इंटरव्यू बर चुने गे हवंय। चयनित अभ्यर्थी मन ला जल्दच ऑनलाइन प्रेफरेंस फॉर्म (preference form) भरना परही, जेकर तारीख आयोग अलग ले जारी करही।
इंटरव्यू कब होही (CGPSC Interview Date 2024)?
आयोग के अनुसार, साक्षात्कार 10 नवंबर ले 20 नवंबर 2025 के बीच आयोजित होही। इंटरव्यू के आयोजन नवा रायपुर के अटल नगर सेक्टर-19, नॉर्थ ब्लॉक मं करे जाही। साक्षात्कार के एक दिन पहिली अभ्यर्थी मन ला अपने मूल दस्तावेज के सत्यापन बर आयोग कार्यालय पहुंचना परही। जेन मन दस्तावेज सत्यापन नहीं कराहीं, ओ मन ला इंटरव्यू मं बइठे के अनुमति नई मिलही।
-
पहिली पाली के सत्यापन – सुबह 9:30 बजे, उपस्थिति 9:00 बजे तक
-
दूसरी पाली के सत्यापन – दोपहर 1:30 बजे, उपस्थिति 1:00 बजे तक
आयोग ले सब्बो अभ्यर्थी मन ला सलाह दीस हे कि ओ मन आगे के जानकारी बर नियमित रूप मं www.psc.cg.gov.in वेबसाइट ला देखत रहंय।
Post Comment