होली मा छागे हरियर रंग : ए स्मॉलकैप शेयर मन निवेशक मन ला करिन मालामाल, साल भर मा दिस 500% तक के रिटर्न

Share Market Returns : पिछली होली ले ए होली तक के सफर शेयर बाजार के निवेशक मन बर असली ‘रंग बरसे’ सही रहीस हे। भले ही अभी दुनिया भर के बाजार मा उतार-चढ़ाव चलत हे, फेर भारत के कुछु स्मॉलकैप शेयर मन अइसन कमाल करिन कि निवेशक मन के झोली खुसी मा भर गे। बाजार के आंकड़ा मन ला देखबो त पता चलथे कि बीते एक साल मा लगभग 37 अइसन स्मॉलकैप शेयर हें जेमन ‘मल्टीबैगर’ बन गे हें। यानी ए शेयर मन मा पइसा लगाय वाला मन के पूंजी ह कतको गुना बढ़ गे हे।

ए शेयर मन मा बरस गे पइसा

सबले जादा चर्चा क्यूपिड (Cupid) शेयर के हे, जेखर भाव पिछली होली मा सिरिफ 64 रुपया रहीस, जेहा अब बढ़ के 384 रुपया हो गे हे। मतलब सीधा-सीधा 500% के मुनाफा। ओखरे सही SML इसुजु ह घलो निवेशक मन ला निहाल कर दीस, ए शेयर ह 1,098 रुपया ले उछल के 4,552 रुपया (315% रिटर्न) मा पहुँच गे। ऑटो सेक्टर के दिग्गज फोर्स मोटर्स ह घलो 222% के तगड़ा रिटर्न दे हे, जेखर कीमत साल भर मा 7,251 रुपया ले बढ़ के 23,354 रुपया हो गे।

मल्टीबैगर शेयर मन के सूची:

आजकल दुनिया भर के बाजार मा थोकिन हलचल हे। अमरीका मा राष्ट्रपति ट्रंप के कड़ा फैसला अउ मिडिल ईस्ट मा चलत तनाव के सेती शेयर बाजार मा थोड़ा डर के माहौल जरूर हे, फेर भारतीय निवेशक मन बर ए साल के होली ‘पइसा बनाय के त्योहार’ साबित होइस। एक खास बात अउ हे कि ए बार 3 मार्च (मंगलवार) के होली के छुट्टी रहीस, फेर 4 मार्च के जब सहर मा रंग गुलाल उड़ी, तब शेयर बाजार खुला रही। अब निवेशक मन ला आस हे कि बाजार मा घलो हरियाली छाही अउ ओ मन के पोर्टफोलियो अउ जादा रंगीन हो जाही।