एक लाख तनखा वाले मन बर निवेश गाइड, जानव 50-30-20 फॉर्मूला अउ सही प्लान
रायपुर: अपन भविष्य ला सुरक्षित करे बर निवेश करना बहुते जरूरी हे। अब्बड़ झन लोगन मन सोंचथें कि अगर तनखा कम हे त निवेश नई कर सकन, लेकिन ये सोंच ह गलत हे। कमाई चाहे कम होवय चाहे जादा, निवेश हर कोनो ला करना चाहिये। कम तनखा म घलो हर महीना थोक-बहुत रकम निवेश करे जा सकत हे।
आज हमन 1 लाख रुपिया के महीना तनखा के उदाहरण लेके बताबो कि हर महीना कतका निवेश करना चाहिये अउ कोन सा फॉर्मूला अपनाना सही रही। आउ जानथन।
का हे 50-30-20 फॉर्मूला?
अगर आप मन के तनखा हर महीना 1 लाख रुपिया हे, त आप मन 50-30-20 फॉर्मूला अपना सकत हव। एमा तनखा ला तीन हिस्सा म बांटे जाथे:
50% (जरूरी खरचा): तनखा के 50 प्रतिशत यानी 50,000 रुपिया जरूरी खरचा म लगाव। एमा घर के भाड़ा, राशन, बिजली-पानी के बिल अउ लइका मन के फीस सामिल हे।
30% (पसंद के खरचा): 30 प्रतिशत यानी 30,000 रुपिया अपन जरूरत अउ पसंद के खरचा बर राखव। एमा घूमना-फिरना, शॉपिंग, अउ मनोरंजन सामिल हे।
20% (बचत अउ निवेश): बाकी बांचे 20 प्रतिशत यानी 20,000 रुपिया ला हर महीना निवेश करव।
ये 20,000 रुपिया ला एक ही जगह म निवेश करे के बदला अलग-अलग जगह जैसे म्यूचुअल फंड (SIP), पीपीएफ (PPF), अउ इंश्योरेंस म बांट देना चाहिये। अगर आप मन जादा बचत कर सकत हव, त निवेश के रकम ला बढ़ा घलो सकत हव।
