Jashpur News : महिला मन ला आगू बढ़ाए बर साय सरकार के बड़का फैसला

Jashpur News : जशपुर: छत्तीसगढ़ के साय सरकार ह ग्रामीण महिला मन ला सशक्त अऊ आत्मनिर्भर बनाय बर एक बड़े कदम उठाए हे। जशपुर जिला म महिला मन ला सुरक्षित अऊ संगठित मंच दे के उद्देश्य ले 18 महतारी सदन भवन मन के मंजूरी दे गे हे। एखर बर सरकार ह कुल 5 करोड़ 22 लाख रूपया के बजट पास करे हे।

Jashpur News : हर भवन बर मिलही 29 लाख रूपया
प्रशासन ह हर एक महतारी सदन भवन बर 29 लाख रूपया के प्रशासकीय स्वीकृति दे हे। ए भवन मन म महिला स्व-सहायता समूह (SHG) मन ला प्रशिक्षण, बैठक, अऊ नवा-नवा हुनर सीखे के सुविधा मिलही। एखर ले महिला मन ला अपन आर्थिक स्थिति सुधारे म मदद मिलही।

का-का काम होही महतारी सदन म?
ए महतारी सदन मन म महिला मन ला रोजगार ले जुड़े कई ठन काम सिखाए जाही, जइसन:

सिलाई-कढ़ाई अऊ बुनाई

हस्तशिल्प अऊ मशरूम उत्पादन

घरेलू उद्योग, सामान मन के पैकेजिंग अऊ मार्केटिंग

सामूहिक निर्णय लेहे अऊ नेतृत्व (Leadership) के गुन सिखाए जाही।

ए पंचायत मन म होही निर्माण
जशपुर जिला के अलग-अलग विकासखंड म ए भवन मन ला बनाय जाही:

बगीचा: कुर्राेग अऊ रंगले

पत्थलगांव: लुड़ेग, बागबहार अऊ सुरंगपानी

मनोरा: सोनक्यारी अऊ मनोरा

जशपुर: लोखंडी अऊ आरा

कुनकुरी: ढोढ़ीबहार, केराडीह अऊ नारायणपुर

कांसाबेल: बगिया, दोकड़ा अऊ बटईकला

फरसाबहार: केरसई, पंडरीपानी अऊ गारीघाट

महिला मन म भारी उत्साह
कुर्राेग के सावित्री भगत ह बताइस कि पहिले ट्रेनिंग बर दूरिहा जाय बर पड़त रिहिस, फेर अब गांव म ही सब सुविधा मिलही। ओनेच सोनक्यारी के रजनी पैकरा ह कहिस कि महतारी सदन ह सिरिफ एक ठन भवन नई आय, बल्कि ए ह हमर महिला मन के सशक्तिकरण के नींव आय।