BOI Recruitment 2026 : बैंक ऑफ इंडिया म 400 पद ऊपर भर्ती, जानव कइसे अऊ कब तक कर सकथौ आवेदन?
BOI Recruitment 2026: नई दिल्ली: बैंक म नौकरी करे के सपना देखत जुवान मन बर एक बड़का अऊ नीक खबर हे। बैंक ऑफ इंडिया (BOI) ह अप्रेंटिस के 400 पद ऊपर भर्ती निकाले हे। जे मन ग्रेजुएशन पूरा कर डरे हें, ओमन एखर बर ऑनलाइन आवेदन कर सकथें। ए भर्ती के माध्यम ले चुने गे उम्मीदवार मन ला एक साल के ट्रेनिंग दे जाही।
BOI Recruitment 2026: कौन कर सकही आवेदन? (योग्यता)
ए भर्ती बर उही मन फॉर्म भर सकथें जे मन कोनो भी मान्यता प्राप्त यूनिवर्सिटी ले ग्रेजुएशन (स्नातक) पास कर डरे हें। कोनो भी विषय (Stream) ले ग्रेजुएट जुवान एखर बर पात्र हें। एक खास बात ये हे कि उम्मीदवार के डिग्री 2021 ले 2025 के बीच म पूरा होना चईये।
उम्र के सीमा
कम से कम उम्र: 20 साल
ज्यादा से ज्यादा उम्र: 28 साल
छूट: आरक्षित वर्ग (SC, ST, OBC) ला सरकारी नियम के मुताबिक उम्र म छूट दे जाही। उम्र के गिनती 1 दिसंबर 2025 के आधार म करे जाही।
कतेक लागही फीस? (आवेदन शुल्क)
सामान्य/ओबीसी/ईडब्ल्यूएस: 800 रूपया
एससी/एसटी अऊ महिला उम्मीदवार: 600 रूपया
दिव्यांग (PH) उम्मीदवार: 400 रूपया फीस ला आप मन ला ऑनलाइन पटाना पड़ही।
कइसे होही चयन अऊ कतेक मिलही पइसा?
उम्मीदवार मन के चयन ऑनलाइन परीक्षा के आधार म करे जाही। परीक्षा के बाद जरूरत पड़ी त स्थानीय भासा के जानकारी के घलो जांच करे जा सकथे। चुने गे उम्मीदवार मन ला 1 साल के ट्रेनिंग म 13,000 रूपया हर महीना स्टाइपेंड (वजीफा) के रूप म मिलही। ए ट्रेनिंग ह भविष्य म बैंकिंग क्षेत्र म नौकरी पाय बर बहुत काम आही।
कइसे करव आवेदन?
सबले पहिली आधिकारिक पोर्टल bfsissc.com/boi.php म जाव।
उहां ‘Apply through NATS Portal’ ऊपर क्लिक करव।
नवा उम्मीदवार मन पहिली अपन रजिस्ट्रेशन करव।
ओकर बाद जरूरी जानकारी भर के फॉर्म ला पूरा करव।
आखिरी म फीस पटा के फॉर्म सबमिट करव अऊ प्रिंटआउट ला निकाल के अपन मेर रख लेव।
