Raipur Police PK Traffic Awareness : रायपुर: रायपुर शहर म सड़क सुरक्षा माह 2026 के तहत यातायात पुलिस ह मनखे मन ला जागरूक करे बर एक बहुत ही अनोखा अऊ मजेदार तरीका अपनाय हे। SSP डॉ. लाल उमेद सिंह के निर्देश म शहर के बड़े-बड़े चौक-चौराहों म फिल्म ‘पीके’ (PK) के आमिर खान वाले गेटअप म कलाकार मन के माध्यम ले जागरूकता अभियान चलाय जावत हे।
Raipur Police PK Traffic Awareness : पीके ह समझाइस— हेलमेट पहिनना काबर जरूरी हे? ए अभियान म ‘मोर पिरोहिल नाट्य संस्था’ के कलाकार ह पीके के रूप धर के अऊ मुड़ म हेलमेट लगा के गाड़ी चलावय्या मन ला ट्रैफिक नियम के पाठ पढ़ावत हे। अभियान के सुरूआत शास्त्री चौक ले होईस, जहां पीके बने कलाकार ह अपन मजाकिया अऊ रोचक अंदाज म मनखे मन ले गोठ-बात करिस। जे मन हेलमेट नई पहिने रिहिन या सीट बेल्ट नई लगाय रिहिन, ओमन ला पीके ह अपन स्टाइल म समझाइस कि सड़क सुरक्षा कतेक जरूरी हे।
रोज अलग-अलग चौक म दिखही ‘पीके’
यातायात पुलिस के कहना हे कि सड़क सुरक्षा माह के दौरान हर दिन शहर के अलग-अलग प्रमुख चौक-चौराहों म ए अभियान ला चलाय जाही। पुलिस के मानना हे कि मनोरंजन के माध्यम ले मनखे मन ट्रैफिक नियम ला जादा जल्दी अऊ अछे ले समझथें।
सुरक्षित यात्रा ही जीवन के सुरक्षा
रायपुर पुलिस ह सबो झन ले अपील करे हे कि दू पहिया गाड़ी चलावत समय हेलमेट अऊ चार पहिया गाड़ी म सीट बेल्ट जरूर लगावं। पुलिस के साफ कहना हे कि सुरक्षित यात्रा ही असली जीवन के सुरक्षा आय।
