मुख्यमंत्री करे गोमाता के पूजा, प्रदेशवासी बर मांगिन सुख-समृद्धि अऊ खुशहाली

गोवर्धन पूजा के पावन दिन मं पूरा प्रदेश मं भक्ति अऊ श्रद्धा के माहौल रहिस। ए अवसर मं विष्णु देव साय मुख्यमंत्री निवास रायपुर मं स्थित गौशाला मं पहुंचके गोमाता के पारंपरिक विधि-विधान ले पूजा-अर्चना करिन। मुख्यमंत्री जी गोमाता ला खिचड़ी खिलाइन अऊ प्रदेशवासी मन बर सुख-समृद्धि, शांति अऊ खुशहाली के कामना करिन।

पूजा के बाद मुख्यमंत्री जी गौशाला मं सेवा करत रहय गौसेवक मन ला अपने हाथ ले मिठाई खिलाइन अऊ सम्मानित करिन। ओ मन सब्बो ला गौवंश के रक्षा अऊ संवर्धन मं आगू आके काम करे बर प्रेरित करिन। मुख्यमंत्री जी गौशाला के व्यवस्था ला देखिन अऊ ओकर तारीफ करिन।

मुख्यमंत्री जी कहिन के गोवर्धन पूजा प्रकृति, अन्न, धरती अऊ गोवंश के प्रति आभार जताय के पर्व आय। गाय भारतीय संस्कृति के आधार आय—एमा हमर गांव-गरीबन के जीवन, हमर आस्था अऊ अर्थव्यवस्था दुनों के गाढ़ नाता हे।

ओमन कहिन के छत्तीसगढ़ के माटी मं गोसेवा अऊ प्रकृति पूजन के भावना गहराई ले बस गे हे। जब हम गाय, धरती अऊ अन्न के सम्मान करथन, तब हम अपन संस्कृति के जड़ अऊ समृद्धि के स्रोत ला प्रणाम करथन।

मुख्यमंत्री जी आखिर मं प्रदेशवासी मन ला गोवर्धन पूजा के हार्दिक बधाई अऊ शुभकामना देके कहिन के ए पर्व ला श्रद्धा, भक्ति अऊ पर्यावरण के प्रति सम्मान के साथ मनाय के चाही। ए दिन समाज मं गोवंश अऊ प्रकृति के महत्व के संदेश गूंजत रहिस।