छत्तीसगढ़ स्थापना दिवस मं आयहीं PM मोदी:

छत्तीसगढ़ स्थापना दिवस के खास अवसर मं प्रधानमंत्री नरेंद्र मोदी जी नवा रायपुर आइन, अऊ करीब 6 घंटा तक के दौरा मं राज्य के विकास, संस्कृति अऊ नई पहचान ले जुड़ाय कई बड़े कार्यक्रम मं हिस्सा लेइन।

1 नवम्बर के दिन पूरा छत्तीसगढ़ उत्सव मय हवय। काबर ये दिन 2000 मं बने नवा राज्य छत्तीसगढ़ के गौरव दिवस के रूप मं मनाय जाथे। ये मौका ला ऐतिहासिक बनावत मोदी नवा रायपुर उतरिन अऊ राजधनी मं सुरक्षा ले लेकर ट्रैफिक तक तगड़ा इंतजाम रखे गीस। एयरपोर्ट ले नवा रायपुर तक पूरा रास्ता वन-वे कर दियाय गीस अऊ स्वागत मं राज्य के संस्कृति-कला के झलक देखे बर मिलिस।

सबसे पहिली प्रधानमंत्री श्री सत्य साई संजीवनी चाइल्ड हार्ट हॉस्पिटल पहुंचिन, जिहाँ वो करीब 2500 नानकन मरीज मन ले ‘दिल के गोठ’ करिन। ये बच्चा मन के दिल के ऑपरेशन मुफ्त मं कराय गीस, अउ मोदी उनकरे संग समय बिताके वो मन ला प्रोत्साहित करिन। वो मन कहिन के छत्तीसगढ़ अब स्वास्थ्य सेवा मं घलो देश के अगुवाई करथे।

येकर पाछू मोदी नया विधानसभा भवन ला जनता बर खुलाइन। करीब ₹324 करोड़ लागत ले बनाय गे ये भवन मं आधुनिक तकनीक, सुरक्षा सिस्टम, बड़े डिबेट हॉल, मीडिया सेंटर, समितिक कक्ष अऊ छत्तीसगढ़ संस्कृति ले जुड़ाय शिल्प-कलाकृति देखे बर मिलथे। मोदी कहिन के ये भवन छत्तीसगढ़ के नवा सोच, प्रगति अऊ लोकतंत्र के मजबूती के प्रतीक हे।

इसके बाद मोदी ब्रह्मकुमारी बहिनी मन के ‘शांति-शिखर’ भवन ला घलो लोकार्पण करिन, जिहाँ ध्यान-योग अऊ सकारात्मक जीवन के संदेश मिलथे। प्रधानमंत्री कुछ झिन ध्यान साधना कार्यक्रम मं शामिल होयिन अऊ शांति-संदेश देइन।

आदिवासी संस्कृति के गजब पहचान दिखावत डिजिटल ट्राइबल संग्रहालय घलो मोदी खुलाइन। इहां छत्तीसगढ़ के आदिवासी जीवन, नृत्य, गीत, शिल्प, लोकगाथा अऊ स्वतंत्रता संग्राम मं आदिवासी वीर मन के योगदान के शानदार झलक मिले लगिस। ये संग्रहालय नवा पीढ़ी बर गर्व के ठिकाना बनहीं।

राज्योत्सव मैदान मं मोदी के स्वागत बर हजारों लोग जुटे रहिन। कार्यक्रम मं छत्तीसगढ़ी नृत्य-गीत, लोक कलाकर्मी, पारंपरिक ढोल-निसान अऊ तोरण-द्वार ले स्वागत होय। मोदी कहिन के छत्तीसगढ़ आज नवा उंचाई तरफ बढ़त हे, अऊ आने वाला समय अउ भारी सुनहाला होही।

दौरा के पूरा समय राजधानी मं जोश, सुरक्षा अऊ उत्सव के माहौल रहिस। सरकार अऊ प्रशासन के तगड़ा इंतजाम ले ट्रैफिक, सुरक्षा अऊ जन-व्यवस्था सुचारू चलत रहिस।

मोदी के ये यात्रा छत्तीसगढ़ बर ऐतिहासिक माने जावत हवय, जिहाँ विकास, संस्कृति, शिक्षा, स्वास्थ्य अऊ लोकतंत्र के नवा अध्याय लिखे गीस।