सादगी के मिसाल: मुख्यमंत्री कन्या विवाह योजना के सामूहिक बिहा में सात फेरा लिही विधायक दीपेश साहू

chhattisgarh news : रायपुर। मुख्यमंत्री कन्या बिहा योजना के तहत होइय्या सामूहिक बिहा में जादातर गरीब परिवार के मनखे, जे मन बिहा के खरचा नइ उठा पाँय, ओ मन सात फेरा लेथें. फेर बेमेतरा के विधायक दीपेश साहू ह एक नवा मिसाल पेस करे बर जावत हें.

विधायक दीपेश साहू ह बेमेतरा जिला प्रशासन कोति ले 31 मई के मुख्यमंत्री कन्यादान योजना के तहत रखे गे सामूहिक बिहा म तरुणा साहू के संग अउ आन 23 जोड़ा मन के साथ सात फेरा लिहिन.

ए कार्यक्रम में मुख्यमंत्री विष्णु देव साय के अलावा विधानसभा अध्यक्ष डॉ. रमन सिंह, दुनों उप मुख्यमंत्री अरुण साव अउ विजय शर्मा के संग सांसद अउ केंद्रीय मंत्री तोखन साहू, केबिनेट मंत्री लक्ष्मी राजवाड़े अउ आन बड़े-बड़े पहुना मन सामिल होइहें.

विधायक दीपेश साहू के ए सादगी भरे बिहा ला लेके इलाका में जबर चर्चा चलत हे, अउ जिला प्रशासन ह ए सामूहिक बिहा के कार्यक्रम ला ऐतिहासिक बनाय के तैयारी में जुटे हे.