बकरीद के छुट्टी मा बदलाव, अब 28 मई के रही सरकारी छुट्टी

ईद-उल-जुहा : रायपुर। छत्तीसगढ़ सरकार हा ईद-उल-जुहा (बकरीद) के मौका मा मिलेवइया सरकारी छुट्टी के तारीख मा बदलाव कर दे हे। सामान्य प्रशासन विभाग कोति ले जारी करे गे आदेश के मुताबिक, पहिली बकरीद बर 27 मई (बुधवार) के छुट्टी तय करे गे रहिस, जिसे बदल के अब 28 मई (गुरुवार) कर दे गे हे।

जारी अधिसूचना मा कहे गे हे कि विभाग कोति ले पहिली जारी करे गे आदेश मा साल 2026 बर बकरीद के छुट्टी 27 मई के रखे गे रहिस। अब राज्य सरकार हा ओमा संसोधन करत हुए 28 मई 2026 के सार्वजनिक अउ सामान्य अवकाश घोषित कर दे हे। ए फैसला के बाद अब राज के जम्मो सरकारी दफ्तर, स्कूल, कॉलेज अउ बाकी सरकारी संस्थान मन 28 मई के बंद रही।