छत्तीसगढ़ विधानसभा: आज ले मानसून सत्र सुरू, अविश्वास प्रस्ताव अउ 8 विधेयक के संग होही भारी घमासान
रायपुर: छत्तीसगढ़ विधानसभा के मानसून सत्र आज (13 जुलाई) ले सुरू होवत हे। 17 जुलाई तक चलइया ए 5 दिन के सत्र के पहिली दिन के सुरूआत कार्यमंत्रणा समिति के बइठक ले होही। ए दउर विपक्ष ह सरकार ला घेरे के पूरा तैयारी कर ले हे, जेकर से सत्र के भारी हंगामेदार होए के आसार हे।
ए सत्र में जहान एक कोती सरकार 8 ठन बड़ विधेयक सदन में रखे के तैयारी में हे, त उहने दूसर कोती विपक्ष घलो हतियार तान के बइठे हे।
सत्र के मुख्य बात:
सवालो के झड़ी: विधायक मन के डहर ले कुल 1033 सवाल लगाए गे हे, जेमा जनता से जुड़े मुद्दा मन ऊपर सरकार ले जवाब मांगे जाही।
ए मुद्दा मन ऊपर मची रार: ‘नकटी’ गांव के मामला, बिजली के आंख-मिचौली, अउ बाढ़त महंगाई जइसन जनहित के मुद्दा मन ऊपर सत्ता पक्ष अउ विपक्ष के बीच तीख-खार बहस होए के पक्का अनुमान हे।
अविश्वास प्रस्ताव के तैयारी: कांग्रेस ह सरकार ला चारों मुड़ा ले घेरे बर 14 जुलाई के अविश्वास प्रस्ताव लाए के घलो पूरा मन बना ले हे।
बड़ बात: सिरिफ 5 दिन के ए सत्र में 1000 ले जादा सवाल अउ विपक्ष के अविश्वास प्रस्ताव ह ए साफ कर देथे कि भले सत्र छोटे हे, पर एकर सियासी गरमी ह ककरो पसीना छुड़ा देही।
