रेल्वे यात्री मन के बढ़िस परेशानी: 17 अउ 19 अप्रैल के चार ट्रेनें रद्द, निपनिया-भाटापारा के बीच चलत हे काम
Chhattisgarh Train Cancelled : रायपुर। दक्षिण पूर्व मध्य रेल्वे के रायपुर मंडल ले एक बड़े खबर आगू आइस हे। रायपुर मंडल के निपनिया-भाटापारा सेक्शन में निर्माण कार्य के सेती चार ट्रेन मन ला कैंसिल कर दे गे हे। बिलासपुर-रायपुर के बीच 17 अउ 19 अप्रैल के मेमू लोकल ट्रेन मन नई चलही।
रेल्वे प्रशासन के कहना हे कि बिलासपुर जोन में तीसरी अउ चौथी लाइन के संग इंफ्रास्ट्रक्चर डवलमेंट के काम तेजी ले चलत हे। एही कड़ी में रायपुर मंडल के निपनिया-भाटापारा सेक्शन में अंडरब्रिज बनाए के काम होवत हे। ए काम बर ट्रैफिक-सह पावर ब्लॉक ले जावत हे, जेकर सेती यात्री गाड़ी मन के परिचालन प्रभावित रही।
रद्द रहे वाली गाड़ी मन:
17 अउ 19 अप्रैल के गाड़ी संख्या 68728 रायपुर-बिलासपुर मेमू पैसेंजर रद्द रही।
17 अउ 19 अप्रैल के गाड़ी संख्या 68719 बिलासपुर-रायपुर मेमू पैसेंजर रद्द रही।
17 अउ 19 अप्रैल के गाड़ी संख्या 68861/68862 गोंदिया-झारसुगुड़ा-गोंदिया पैसेंजर रद्द रही।
