Breaking News: अरपा नदी मं तैरत हाइसकोर्ट के वकील के लाश, बिलासपुर मं मच गे सनसनी

Breaking News: बिलासपुर के अरपा नदी मं बने पुराना पुल के लगे तैरत लाश मिलिस, जेन बात के बाद इलाका मं सनसनी मच गे. पुलिस के जानकारी मुताबिक, लाश के पहचान भाटापारा के रहइया अऊ बिलासपुर हाईकोर्ट मं वकालत करइया अधिवक्ता राहुल अग्रवाल के रूप मं होइस. राहुल पिछले सात बछर ले मंगला इलाका मं रहत रहिन अऊ वहीं ले अपन काम करत रहिन. जानकारी मुताबिक, बृहस्पतिवार के रात राहुल अपन एक दोस्त के बिहाव मं मोपका गीस रहिन. रात करीब 12 बजे उनकर कार अरपा नदी के पुल मं बीचों-बीच खड़ी मिलिस. कार लावारिस हालत मं देखे के बाद रात तीन बजे पुलिस कार लके थाने ले गे रहिस.

इच रात मं ही राहुल के गुमशुदगी के रिपोर्ट लिखाय गे रहिस. शुक्रवार बिहान नदी मं तैरत लाश देखे गीस, जेन लाश ओही पुल के नीचे मिलिस जिहां कार खड़ी रहिस. एसडीआरएफ टीम रात भर मशक्कत के बाद लाश ल बाहर काढिस. पुलिस अभी मर्ग कायम कर जांच करत हवय. शुरुआती जांच मं आत्महत्या के आशंका जताय जात हवय, फेर असली कारण जांच के बादे पता चलही.