युवा मन बर नौकरी के सुनहरा मौका: अलग-अलग पद म होही सीधी भर्ती, जानव कइसे मिलही रोजगार

जांजगीर-चांपा/दंतेवाड़ा। जांजगीर-चांपा अउ दंतेवाड़ा जिला के बेरोजगार लइका मन बर रोजगार के बढ़िया अवसर आगू आइस है। जिला रोजगार एवं स्वरोजगार मार्गदर्शन केन्द्र डाहर ले प्लेसमेंट कैंप के आयोजन करे जात हे। जांजगीर-चांपा म 19 जनवरी 2026 (सोमवार) के लाइवलीहुड कॉलेज म बिहनिया 11 बजे ले मंझनिया 3 बजे तक कैंप लगही, जिहां महाराष्ट्र के कंपनी ‘पेरेनियल टेक्नोलॉजी’ डीजी ऑपरेटर के 20 पद बर भर्ती करही। एखर बर आईटीआई डीजल मैकेनिक या इलेक्ट्रिशियन पास होना जरूरी हे अउ पगार 13,000 ले 15,000 रूपया तक मिलही।

ओखरे संग, दंतेवाड़ा जिला म घलो आज प्लेसमेंट कैंप लगे हे, जिहां RCC एंड एसोसिएट कोति ले ऑडिट असिस्टेंट अउ रिसेप्शनिस्ट के 3 पद बर भर्ती करे जाही। जे मनखे मन नौकरी पाय बर इच्छुक हें, ओ मन अपन जम्मो कागजात, आधार कार्ड, फोटो अउ रोजगार पंजीयन कार्ड लेके कैंप म पहुंच सकत हें। सुरता रखहू कि बिना रोजगार पंजीयन के कैंप म सामिल होय के मौका नई मिलही।