मिडल ईस्ट के लड़ाई ले रसोई में मचीस हाहकार; घरेलू गैस सिलेंडर ₹60 महंगा, जानव नवा रेट
LPG Price Hike : नई दिल्ली। शनिवार के बिहनिया आम जनता बर महंगाई के बड़का झटका लेके आईस। मिडिल ईस्ट (ईरान-अमेरिका-इजरायल) में छिड़े लड़ाई के असर अब हमर रसोई तक पहुँच गे हे। देश के बड़े तेल कंपनी मन घरेलू एलपीजी सिलेंडर (14.2 किलो) के दाम में 60 रुपया के भारी बढ़ोतरी कर दे हें।
अब कतका मिली सिलेंडर?
नवा रेट आज यानी 7 मार्च ले लागू हो गे हे। दिल्ली में जउन सिलेंडर अब तक 853 रुपया में मिलत रहीस, ओकर दाम अब बढ़के 913 रुपया हो गे हे। माना जात हे कि अंतरराष्ट्रीय बाजार में कच्चा तेल अउ गैस के कमी के सेती ये फैसला लिये गे हे।
काबर बढ़िस दाम?
जंग के असर: ईरान अउ अमेरिका-इजरायल के बीच होवत विवाद के सेती दुनिया भर में ऊर्जा संकट के डर बन गे हे।
सप्लाई में दिक्कत: युद्ध वाले इलाका ले गैस अउ तेल के सप्लाई प्रभावित हो सकत हे, एही पाय के दाम मन उछाल मारत हें।
सरकार के तइयारी
एक दिन पहिली ही सरकार ह रिफाइनरी मन ला गैस के उत्पादन बढ़ाए के आदेश दे रहीस, ताकि देश में कोनो कमी झन होवय। केंद्रीय मंत्री हरदीप सिंह पुरी ह घलो कहि हें कि भारत करा गैस के पर्याप्त भंडार हे, फेर बाहरी तनाव के असर रेट ऊपर दिखत हे।
