साली ह रंग नई लगवाईस त जीजा ह घरवाली ऊपर उतारिस गुस्सा, जमके करिस मारपीट

Bilaspur News : बिलासपुर। मंगला के महर्षि स्कूल करा रहइय्या एक झन महिला ह अपन पति के खिलाफ मारपीट के शिकायत दरज कराई हे। पीड़ित महिला के कहना हे कि ओखर पति ह ओला छोड़ के अपन साली (महिला के बहिनी) ले बिहाव करे के गोठ कहिथे अउ आए दिन एही बात ला लेके ओखर संग मारपीट करथे।

होली के दिन होय रहीस हंगामा होली के तिहार मनाए बर आरोपी ह अपन ससुराल उसलापुर गय रहीस। ओहा अपन साली ला रंग लगाए बर चाहत रहीस, फेर साली ह जीजा ले रंग लगवाए ले साफ मना कर दीस। जब ससुराल के मन ओला समझाइन त ओहा उहाँ रखे सामान मन ला फेंकना सुरु कर दीस अउ हंगामा मचाय के बाद अपन घर आ गे।

घर आके घरवाली ला पीटिस ससुराल ले लहुटे के बाद आरोपी ह अपन पत्नी ला कहिस कि ससुराल में ओखर बढ़िया व्यवहार नई होय हे। एही बात के बहाना बना के ओहा अपन पत्नी ला बेरहमी ले पीट दीस। काली गुरुवार के घलो आरोपी ह फिर ले झगड़ा करिस अउ पत्नी ला घर ले निकाले के कोसिस करिस।

थक-हार के पीड़ित महिला ह सिविल लाइन थाना पहुँच के पुलिस ला आपबीती सुनाईस। पुलिस ह मामला दरज कर के जांच सुरु कर दी हे।