1 नवंबर ला छत्तीसगढ़ ला मिलही नवा विधान सभा भवन: पीएम मोदी करहीं उद्घाटन, बस्तर के कला ले सजे हे भवन

छत्तीसगढ़ मं इस बरस के राजोत्सव कुछ खास होही काबर के 1 नवंबर के दिन पूरा राज्य नवा विधान सभा भवन के गवाही देही। प्रधानमंत्री नरेंद्र मोदी ये भवन के भव्य उद्घाटन करहीं। प्रशासन अउ सरकार के तिर ले तगड़ा तैयारी चलत हे। पूरा भवन मं पारंपरिक कला, आधुनिक तकनीक अउ छत्तीसगढ़ के पहचान के मेल देखे ला मिलही।

नवा विधान सभा भवन के छत मं धान के बाली लगाके सजावट करे गीस — ये धान के बाली छत्तीसगढ़ के किसान मन के मेहनत अउ राज्य के कृषि प्रधान संस्कृति के प्रतीक आय। एही ले भवन मं छत्तीसगढ़ के माटी के गंध आथे। फर्नीचर सब बस्तर के लोकल शिल्पी मन बनाइन हें, जेमां बस्तर कला के सुंदर नक्काशी अउ पारंपरिक डिजाइन दिखथे।

ये भवन मं मंत्रालय, संचालनालय अउ विधानसभा एके सर्कल मं रहिहीं, जेन ले शासन के कामकाज तिखर होही, समय बचे ही अउ पारदर्शिता घलो बढ़ही। भवन के डिजाइन अइसने बनाय गीस के आने वाले कई पीढ़ी ले ये छत्तीसगढ़ के गौरव बन के खड़ा रहही।

उद्घाटन समारोह मं भारी भीड़ जुटे के संभावना हे। राज्य अउ केंद्र सरकार के बड़े-बड़े नेता, मंत्री, अधिकारी मन समिल होही। लोकसभा अध्यक्ष ओम बिरला घलो कार्यक्रम मं आ सकथें। पूरा कार्यक्रम ला ऐतिहासिक अउ यादगार बनाय जाय बर राज्य सरकार पूरा जोर लगावत हे।

नवा विधान सभा भवन सिरिफ एक सरकारी बिल्डिंग नइये — ये छत्तीसगढ़ के संस्कृति, परंपरा, मेहनत अउ विकास के प्रतीक बनही। आने वाला समय मं ये भवन ले कई बड़े फैसले निकलही जेन ले राज्य के भविष्य बने ही।