Swiggy Zomato Strike Update : हड़ताल ले डरे स्विगी-जोमैटो : डिलीवरी बॉय मन बर खोलिन खजाना, नवा साल मा हजारो कमाय के मौका
Swiggy Zomato Strike Update : रायपुर। नवा बछर (New Year) के जसन मा जब लोगन मन घर बैठे खाना मंगवाय के तियारी करत हावे, ओही समय स्विगी अउ जोमैटो जइसन बड़े डिलीवरी प्लेटफॉर्म मन मा हड़कंप मच गे हावे। देशभर मा डिलीवरी कर्मचारी मन के हड़ताल ला देखत, ये कंपनी मन ह अपन डिलीवरी पार्टनर्स बर भारी-भरकम ‘इंसेंटिव’ (प्रोत्साहन राशि) के घोषणा करे हावे, ताकि नवा बछर मा कोनो बाधा झन आय।
Swiggy Zomato Strike Update :जोमैटो ह बढ़ाईस कमाई: 150 रुपिया तक प्रति ऑर्डर
जोमैटो ह अपन डिलीवरी पार्टनर्स ला भेजे संदेश मा कहे हावे कि 31 दिसंबर के संझा 6 बजे ले रात 12 बजे के बीच, हर ऑर्डर ऊपर 120 ले 150 रुपिया तक के भुगतान करे जाही। कंपनी ह दावा करे हावे कि कर्मचारी मन दिन भर मा 3,000 रुपिया तक कमा सकत हावे। संगे-संग, ऑर्डर कैंसिल करे मा जो जुर्माना (Fine) लगय, ओला घलो अभी बर माफ कर दे गे हावे।
read more : New Year 2026 : नवा साल के सुरक्षा म 800 जवान तैनात : हुड़दंग करइया मन के खैर नई, ड्रोन ले रखी जाही नजर….
स्विगी के ‘बंपर ऑफर’: 10,000 रुपिया तक के कमाई
स्विगी घलो पीछे नई हावे। कंपनी ह 31 दिसंबर अउ 1 जनवरी के बीच डिलीवरी कर्मचारी मन बर 10,000 रुपिया तक के कमाई के मौका देहे हावे। संझा के पीक टाइम मा राइडर्स मन ला 2,000 रुपिया तक के एक्स्ट्रा कमाई के लालच दे जावत हावे, ताकि साल के सबले व्यस्त समय मा डिलीवरी के कमी झन होय।
काबर डरे हावे कंपनी मन?
ये सबु योजना मन के पीछे असली वजह ‘हड़ताल’ हावे। डिलीवरी कर्मचारी यूनियन मन ह कम पगार, काम के खराब स्थिति अउ सोशल सिक्योरिटी के मांग ला लेके 25 अउ 31 दिसंबर के देशव्यापी हड़ताल के घोषणा करे हावे। 25 दिसंबर के हड़ताल मा डिलीवरी सेवा मा थोरकुन असर घलो देखे बर मिले रहिस।
जेप्टो (Zepto) जइसन क्विक कॉमर्स कंपनी मन घलो अपन इंसेंटिव बढ़ा देहे हावे। हालांकि, कंपनी मन डाहर ले अभी कोनो आधिकारिक बयान नई आईस हे, पर जतका घलो मैसेज राइडर्स ला भेजे गे हावे, ओकर ले साफ हे कि कंपनी मन हड़ताल ले डरे हावे अउ जसन मा कोनो रुकावट नई चाहत हावे।
