सोनी सोढ़ी कहिस- नक्सलवाद कभी खतम नइ होय:

जशपुर/बीजापुर। सामाजिक कार्यकर्ता सोनी सोढ़ी एक बार फेर नक्सल मुद्दा ऊपर जोरदार बयान देय हवय। वो कहिन के नक्सलवाद ला खतम करना आसान बात नइए, ए लड़ई बरसों ले चलत हवय अऊ आगू घलो बने लंबा चलही।

सोढ़ी कहिन- “नक्सलवाद कभी नइ खतम होही, जऊन तक आदिवासी मन के जमीन, हक-अधिकार अऊ सम्मान के सवाल हल नइ होही। भूपति अऊ रूपेश जइसने नक्सली नेता मन जब सरेंडर करे, त वो मन आदिवासी जनता ले पूछिन? ये जमो फैसला बिना आदिवासी मन संग चर्चा करे होइस।”

इही दौरान सोनी सोढ़ी सरकार ऊपर सवाल उठावत कहिन कि सिर्फ सरेंडर दिखाय ले समस्या हल नइ होही, मैदान म जहां आदिवासी मन के पीरा हवय, उहिचे काम करे के जरूरत हे।

दूसरी कती, गृहमंत्री बयान देत कहिन- “सोनी सोढ़ी नक्सलियों के समर्थन म तेलंगाना तक जा के जायज ठहरावत रहिन। सरकार आतंकी अऊ नक्सली गतिविधि बर कड़ा रुख रखे हवय, अऊ आदिवासी मन के सुरक्षा पहिली प्राथमिकता हे।”

प्रदेश म फेर नक्सल मुद्दा गरम हो गे हे, एक कती सरकार सरेंडर अऊ विकास के बात करत हे, त दोसरा कती आदिवासी अधिकार अऊ जमीन सवाल फिर उठत हे।