अब सरकारी स्कूल मं हाजिरी रजिस्टर के संग मोबाइल एप मं घलो भरही

राज सरकार ह अब सरकारी स्कूल मं हाजिरी व्यवस्था ला अउ सबले बढ़िया बनाय बर नवा कदम उठाइस। अब स्कूल मं शिक्षक मन ला सिरिफ रजिस्टर मं हाजिरी लगाय बर नई, बल्क‍ि मोबाइल एप मं हर दिन हर एक बच्चा के उपस्थिति घलो दर्ज करना परही।

ए नवा व्यवस्था ले शिक्षा विभाग के अधिकारी मन ला तुरंत पता चलही कि कोन-कोन स्कूल मं कतका बच्चा आइन हवंय। जिहां उपस्थिति कम रहिही, ओ स्कूल मं तुंरत ध्यान दे सकही। पहिले पांच जिला मं एला पायलट प्रोजेक्ट के रूप मं लागू करे गे हवय अउ बाद मं पूरा राज्य मं लागू होही।

शिक्षक मन अब एप मं रोजाना उपस्थिति भरींय। जऊन बच्चा स्कूल नई आवत हे, ओकर घरवाला संग फोन मं बात कर सकही, कारन जान सकही अउ स्कूल भेजे बर कह सकही।

ए व्यवस्था ले सरकारी स्कूल मं पारदर्शिता बढ़ही, उपस्थिति मं सुधार होही अउ पढ़ई-लिखई के गुणवत्ता घलो बनेही। सरकार के कहना हे कि ए डिजिटल सिस्टम ले स्कूल मं शिक्षा व्यवस्था अउ मजबूत होही अउ सब ले तुंरत जानकारी मिलत रही।