राजधानी के बार म बवाल : किराना व्यापारी के मुड़ म फोड़िस बीयर के बोतल, फेर लहूलुहान करके भागिस आरोपी
Raipur Crime News : रायपुर। राजधानी के रायपुरा चौक म स्थित मधुशाला बार म देर रात मारपीट के मामला आगू आए हे। कार म सवार एक जुवान ह बार के भीतर घुस के एक झन मनखे ऊपर बीयर के बोतल ले हमला कर दिस, जेखर ले ओहा घायल हो गे हे। अभी ए मामला म पुलिस ह अपराध दर्ज करके जांच करत हे।
जानकारी के मुताबिक, जामगांव के रहइया किराना व्यापारी संदीप अग्रवाल 18 अप्रैल के रात अपन संगवारी अनिवेश प्रताप सिंह के संग मधुशाला बार गे रिहिस। रात के करीब 11:30 बजे जब दुनो झन बार के बाहिर ठाढ़े रिहिन, तभे चंगोराभाठा के रहइया हर्ष शुक्ला ह अपन कार ला बड़ तेज रफ्तार म लानिस अउ अचानक ओमन के आगू म रोक दिस। ए हरकच ले डरा के दुनो झन बार के भीतर चले गीन।
बताय जात हे कि हर्ष शुक्ला घलो ओमन के पीछे-पीछे बार म घुस गे अउ गारी-गलौज करत फ्रिज ले बीयर के बोतल निकालिस अउ संदीप अग्रवाल के मुड़ म दे मारिस। ए हमला ले संदीप के मुड़ म गहिर चोट आईस अउ खून बहे लगिस। मौका म मौजूद अनिवेश ह बीच-बचाव करिस, जेखर ले मामला जादा नई बढ़िस। घटना के बाद आरोपी ह ओही बखत फरार हो गे। अभी पुलिस ए मामला के जांच म जुटे हे।
