रायपुर, बिलासपुर अउ नागपुर मंडल म TTE की कमी, रेलवे बोर्ड ह शुरू करिस नवा भर्ती के तैयारी
Railway TTE Vacancy : रायपुर: रायपुर, बिलासपुर अउ नागपुर मंडल म टिकट चेकर (TTE) मन के भारी कमी ल देखत हुए रेलवे बोर्ड ह सब्बो जोन ले स्टाफ के पूरा रिपोर्ट मंगाय हे। खबर के मुताबिक, रेलवे म टिकट जांच व्यवस्था ल मजबूत करे अउ नवा भर्ती बर ई तैयारी करे जावत हे।
जोन म लगातार ट्रेन मन के संख्या बढ़त जावत हे, संग म परब-तयौहार अउ घाम के दिन म दर्जनों स्पेशल ट्रेन घलो चलाय जाथे। रायपुर मंडल म अभी लगभग 250 TTE हवयं, जबकि इहां ले 140 ले ज्यादा ट्रेन चलथे। आदमी मन के भीड़ एक लाख ले पार हो जाथे, जेकर से स्टाफ कम पड़ जाथे अउ नियमित टिकट जांच म असर पड़थे।
रेलवे बोर्ड ह सब्बो जोन ल निर्देश दिस हे कि अभी काम करत TTE, खाली पद अउ 1 अगस्त 2027 तक के जरूरत के आंकड़ा तय प्रारूप म भेजें। सब्बो जगह ले रिपोर्ट आये के बाद रेलवे बोर्ड ह देश भर बर भर्ती अउ मैनपावर के नवा योजना तैयार करही। TTE मन के संख्या बढ़े ले बिना टिकट यात्रा करे वइया मन ऊपर लगाम लगही अउ रेलवे के कमाई म घलो बढ़ोतरी होही।
