प्रकाश इण्डस्ट्रीज के फर्नेस होइस पंचर, बहे लागिस गरम लावा, प्लांट म मची हड़कंप

जांजगीर। वेदांता पावर प्लांट के हादसा ला अभी लोगन मन भुलाय नइ पाइन रहिन कि अब प्रकाश इण्डस्ट्रीज ले हादसा के खबर आगू आए हे। प्लांट के फर्नेस (भट्ठी) पंचर होय ले ओखर भीतर के पिघले लोहा (लावा) बाहिर बहे लागिस, जेखर ले प्लांट के भीतर अफरा-तफरी मच गे।

हालांकि, प्रकाश इण्डस्ट्रीज म होय ए हादसा म कोनो किसम के जनहानि के जानकारी अभी तक नइ मिले हे। प्लांट प्रबंधन ह ए घटना ला साधारण बात बतावत हे, लेकिन वेदांता पावर प्लांट के बड़े हादसा के बाद ले जिला प्रशासन ह सतर्क हे। घटना के जानकारी मिलत ले एसडीएम पवन कोसमा ला जांच बर प्लांट रवाना कर दे गे हे।