“पीएम नरेंद्र मोदी ला छत्तीसगढ़ ले भव्य स्वागत

भारत के प्रधानमंत्री नरेंद्र मोदी के छत्तीसगढ़ आगमन के अवसर मँ ओबीसी संयोजन समिति, छत्तीसगढ़ ह  हार्दिक स्वागत करे हे। समिति के संस्थापक अधिवक्ता शत्रुहन साहू कहिन के, पीएम मोदी द्वारा देश मँ जातीय जनगणना करवाय के घोषणा एक ऐतिहासिक अउ दूरदर्शी फैसला ऐ।

साहू कहिन कि, जातीय जनगणना ले देश के अन्य पिछड़ा वर्ग (ओबीसी), अनुसूचित जाति (एससी), अनुसूचित जनजाति (एसटी) अउ आर्थिक रूप ले कमजोर वर्ग (ईडब्ल्यूएस) के असली जनसंख्या, सामाजिक स्थिति अउ आर्थिक स्तर के सटीक आंकड़ा मिलही। इससे सरकार ये वर्ग बर योजना, नीति अउ आरक्षण व्यवस्था ला जादा पारदर्शी अउ न्यायसंगत रूप मँ लागू कर सकही।

वर्षों ले देश मँ जातिवार जनगणना के मांग उठत आथे — शत्रुहन। ओ कहिन कि ये कदम समाज के हर वर्ग के वास्तविक स्थिति ला सामने लाय बर जरूरी रहिस। उद्धाहण के तौर पर, ओ कहिन कि “प्रधानमंत्री मोदी द्वारा इस दिशा मँ ठोस पहल करना समाज के सभी वंचित तबकों बर आशा अउ विश्वास के संदेश ए।”

ओबीसी संयोजन समिति मोदी के इस निर्णय बर अपन गहरा आभार व्यक्त करत कहिस कि, ये भारत के सामाजिक पुनरुत्थान के एक युगांतरकारी कदम राहय।

साथे मँ, समिति प्रधानमंत्री ले निवेदन करिस हे कि, राज्य के संसद मँ पारित “छत्तीसगढ़ आरक्षण (संशोधन) विधेयक, 2022”, जेन अभी राज्यपाल के पास लंबित हे, ओकरा शीघ्र अनुमोदन देय जाय। ये विधेयक लागू होय ले छत्तीसगढ़ के ओबीसी, एससी, एसटी अउ ईडब्ल्यूएस वर्ग के संवैधानिक अधिकार अउ समान भागीदारी सुनिश्चित होही।

समिति राज्यपाल ले अपील करिस हे कि, वह जल्दी ले जल्दी इस विधेयक ला स्वीकृति देय ताकि छत्तीसगढ़ के सामाजिक ताने-बाने मँ समरसता अउ विकास के नवा अध्याय लिखाय जा सके।