नंबर सेव करे के झंझट खतम: अब ये ट्रिक ले WhatsApp म ककरो ला घलो सीधा भेजव मैसेज

WhatsApp Tips : अक्सर हमन ला कोनो डिलीवरी वाला, दुकानदार या कोनो अनजान मनखे ला सिर्फ एक बार मैसेज भेजे बर ओकर नंबर अपन फोन म सेव करे बर लगथे। एखर ले हमर कॉन्टैक्ट लिस्ट फालतू म भर जाथे अउ प्राइवेसी के घलो डर रहिथे। अगर आप घलो ए झंझट ले छुटकारा पाना चाहथो, त WhatsApp के ये आसान तरीका आप मन के बहुत काम आही।

अपन आप ला मैसेज भेज के खोलो चैट
WhatsApp म बिना नंबर सेव करे मैसेज भेजे के सबले बढ़िया तरीका ‘मैसेज योरसेल्फ’ (Message Yourself) आय:

सबले पहिली ओ नंबर ला कॉपी कर लव जेला आप मैसेज भेजना चाहथो।

अब अपन WhatsApp खोलव अउ ‘Self-Chat’ (जहाँ आप मन के नाम लिखे रहिथे) म जाव।

उहाँ ओ नंबर ला पेस्ट करके खुद ला सेंड कर दव।

अब ओ भेजे गे नंबर म एक बार टैप (Touch) करव। अइसन करे ले आप ला ‘Chat with…’ के विकल्प दिखही।

बस, ओला क्लिक करव अउ बिना नंबर सेव करे ओ मनखे संग गोठ-बात शुरू कर दव।

लिंक बना के घलो कर सकथो मैसेज
अगर आप ब्राउज़र या कंप्यूटर के इस्तेमाल करथो, त एक छोटे से लिंक ले काम बन जाही:

ब्राउज़र म जाके टाइप करव: wa.me/91XXXXXXXXXX

(यहाँ X के जगह ओ मनखे के मोबाइल नंबर लिखव अउ 91 कोड जरूर लगाव)।

एंटर दबाते ही ‘Continue to Chat’ के बटन दिखही, जेला क्लिक करत ही चैट विंडो खुल जाही।

एखर ले का फायदा होही?
ए ट्रिक के सबले बड़े फायदा ये हे कि आप मन के फोन फालतू नंबर ले नई भरय। साथ ही, अनजान मनखे मन ला आप मन के प्रोफाइल फोटो या स्टेटस घलो नई दिखही (अगर आप प्राइवेसी सेटिंग म Only Contacts रखे हो)। ये तरीका ओ मन बर सबले बढ़िया हे जेमन ला रोज नवा-नवा मनखे मन ला काम बर मैसेज भेजे बर लगथे।