नवा रायपुर के आकाश मं लहराइस तिरंगा: 9 फाइटर जेट के जोरदार करतब

छत्तीसगढ़ के नवा रायपुर मं आज जोरदार एयर शो देखे गीस. राज्य के रजत जयंती (25 बरिस) के मौका मं इंडियन एयरफोर्स के सूर्यकिरण एरोबैटिक टीम ह 9 फाइटर जेट ले शानदार करतब देखाइन. आसमान मं जेट ह तिरंगा बनाइस, जऊन ला देखके जनता जोश से भरगे.

एयर शो देखे बर लाखों मनखे जम्मो इलाका ले पहुंचे रहिन. तेलीबांधा ले सेंध लेक तक करीब 5 किलोमीटर तक भारी जाम लगगे. पुलिस ला रोड कंट्रोल करे मं भारी मशक्कत करे बर परे.

एयरपोर्ट प्रबंधन के मुताबिक, एयर शो के चलते 5 प्लेन के उड़ान टाइम बदले गिस. सब्बो ला पहले ही एडवाइज जारी करे गे रहिस.

सुरक्षा के कड़े इंतजाम रहिस. परिवार, बच्चा, जवान सब्बो मन एकर मजा लेवत रहिन. जेट के थर-थर गड़गड़ाहट, हवा मं बनत तिरंगा, गोठ-गोठ ले गूंजत देशभक्ति गीत – पूरा माहौल देशभक्ति ले भरगे रहिस.

नागरिक मन, स्कूल के विद्यार्थी, अउ जवान मन ह कहिन – “पहिली बेरा एतका जबरदस्त एयर शो देख बर मिले, गर्व होगे कि हमर छत्तीसगढ़ मं ये होवत हे