New Airlines in India : आसमान में अब नई चलही इंडिगो के मनमानी, सरकार ह 2 नवा एयरलाइंस ला दीस मंजूरी, अब टिकट होही सस्ता अउ यात्री मन के होही मउज
New Airlines in India : छत्तीसगढ़िया हवाई यात्री मन बर एक बड़े अउ राहत के खबर बाहिर आय हे। अब आसमान में बड़े एयरलाइंस मन के मनमानी नई चलही। केंद्र सरकार ह हवाई सफर ला सस्ता करे अउ सुग्घर सुविधा दे बर दो नवा एयरलाइंस—‘अल हिंद एयर’ (Al Hind Air) अउ ‘फ्लाई एक्सप्रेस’ (Fly Express) ला मंजूरी (NOC) दे दे हे। नागरिक उड्डयन मंत्री राम मोहन नायडू के ये फैसला ले अब इंडिगो अउ टाटा समूह (एयर इंडिया) के एकाधिकार (Monopoly) टूटी।
New Airlines in India : अक्सर देखाय जाथे कि जब कोनो एक बड़े एयरलाइन के सिस्टम खराब होथे, त जम्मों एयरपोर्ट में हड़कंप मच जाथे। इंडिगो के सर्वर डाउन होय ले यात्री मन ला जउन तकलीफ होय रिहिस, ओखर बाद सरकार ह तय करिस कि अब बाजार में नवा खिलाड़ी मन ला लाना जरूरी हे। अभी के समय में करीब 90 फीसदी बाजार ऊपर सिरिफ दो बड़े कंपनी मन के कब्जा हे, जेखर से ओ मन मनमाना किराया वसूलथें।
नवा एयरलाइंस ले का होही फायदा?
सस्ता टिकट: जब जादा कंपनी मन होही, त ओ मन ग्राहक ला लुभाय बर टिकट के रेट ला कम करहीं।
छोटे शहर मन बर सुविधा: ‘शंख एयर’ अउ ये नवा कंपनी मन के आय ले बस्तर, बिलासपुर अउ रायपुर ले दूसर छोटे शहर मन बर कनेक्टिविटी बढ़ही।
सुग्घर सर्विस: मनमानी अउ लेटकतीफी ऊपर लगाम लगही।
‘अल हिंद एयर’ केरल के एक बड़े ग्रुप के हिस्सा आय, अउ ‘फ्लाई एक्सप्रेस’ हैदराबाद के कंपनी आय। ये नवा कंपनी मन के आय ले अब यात्री मन ला सिरिफ एक-दो विकल्प ऊपर निर्भर नई रहना पड़ही। आने वाला कुछ महिना में जब ये नवा विमान मन उड़ान भरहीं, त हवाई सफर के अंदाज बदल जाही अउ आम आदमी बर घलो उड़ान भरना अउ आसान हो जाही।
