CG News : नई पोस्टिंग म नई जाइय्या गुरुजी मन के अब खैर नई, सीधे नौकरी ले निकाले के तइयारी
CG News : रायपुर। छत्तीसगढ़ म शिक्षक युक्तियुक्तकरण (Rationalization) के मामला अब गरमा गे हे। शासन ह जउन शिक्षक मन के तबादला करे रिहिस, ओमा ले कतको गुरुजी मन ह अभी तक नवा स्कूल म जॉइनिंग नई दे हें। अब अइसन मनमानी करइय्या शिक्षक मन ऊपर गाज गिरना तय हे। संभाग के संयुक्त संचालक (JD) ह कड़क रुख अपनावत अइसन 20 शिक्षक मन के खिलाफ जांच के आदेश दे दे हें।
CG News : खबर के खास बात:
सस्पेंड नई, अब सीधे बर्खास्तगी: विभाग के कहना हे कि सस्पेंड करे ले गुरुजी मन ला आधा पगार मिलत रहिथे अउ ओमन घर म बइठ के मजा मारथें। ए देखत अब जेडी ह ‘बर्खास्तगी’ (नौकरी ले निकाले) के अनुशंसा करे के तइयारी म हे।
11 मिडिल अउ 9 प्राइमरी स्कूल के शिक्षक: जिला म अइसन 20 शिक्षक हें जउन मन ल कोर्ट ले घलो राहत नई मिलिस, फेर ओमन ह अब तक नवा स्कूल म अपन उपस्थिति नई दर्ज कराए हें।
लइका मन के पढ़ाई चौपट: ये शिक्षक मन शहर के मोह नई छोड़ पावत हें, जेकर से गांव के अउ एकल शिक्षकीय स्कूल म लइका मन के पढ़ाई ह पूरी तरह ले रुक गे हे।
जांच दल गठित: जेडी आरपी आदित्य ह डीईओ (DEO) अउ बीईओ (BEO) ला जांच करके रिपोर्ट सौंपे बर कहि दे हे।
“ब्रेक-इन-सर्विस” के घलो खतरा
खबर आवत हे कि अइसन शिक्षक मन ऊपर ‘क्रेक सर्विस’ (सेवा म व्यवधान) के कार्रवाई घलो करे जा सकत हे, जेकर ले ओमन के पिछला सबो सर्विस जीरो हो जाही। अधिकारी मन के कहना हे कि शासन के आदेश नई मानइय्या मन ऊपर अब कतको दया नई करे जाय।
