एसडीएम ला कंपनी के दलाल कहे के चक्कर मं भाजयुमो नेता गिरफतार – जेल भेजे गिस”

रायगढ़ जिला के घरघोड़ा थाना इलाका मं एक सोशल मीडिया पोस्ट ले बवाल खड़ा हो गे। जानकारी के मुताबिक, भाजयुमो के नेता अजीत गुप्ता ह अपन फेसबुक अकाउंट ले घरघोड़ा एसडीएम अधिकारी बर अभद्र टिप्पणी करे रहिन। ओ पोस्ट मं अजीत गुप्ता एसडीएम ला “कंपनी के दलाल” कहे रहिन। ये बात जब एसडीएम दफ्तर मं पहुंचिस, त प्रशासनिक गरिमा के खिलाफ मानके तुरंत कार्रवाई के आदेश देय गे।

शुक्रवार रात करीब 11 बजे घरघोड़ा पुलिस ह अजीत गुप्ता ला गिरफतार कर लीस। पुलिस ह ओके खिलाफ आपराधिक मामला दर्ज कर कोर्ट मं पेश करे रहिस। जमानत न मिले बर न्यायालय ह अजीत गुप्ता ला न्यायिक रिमांड मं जेल भेज दीस।

ये पूरा मामला ले अब प्रशासन ह साफ कर दिस के सरकारी अफसर मन बर सोशल मीडिया मं गलत भाखा बोले वाला ऊपर सख्त कानूनी कार्रवाई होही। इलाका मं अब ये मामला ले राजनीतिक हलचल घलो देखे ला मिलत हे।