मोन्था तूफान ले गरज उठे छत्तीसगढ़ के आकाश: 17 जिलामं अलर्ट, तेज हवा संग बरसत हे पानी

छत्तीसगढ़ मं मोन्था तूफान के असर अब बढ़त दिखत हे। मौसम विभाग ले मिले जानकारी के मुताबिक, राज्य के 17 जिलामं अलर्ट जारी करे गे हे। रायपुर, दुर्ग, बिलासपुर, बस्तर, कांकेर, राजनांदगांव सहित कई इलाकामं आज बिहान ले बादल घेर ले हवंय अऊ तेज हवा चलत हे।

मौसम विभाग के कहना हे के अगले 24 घंटा मं गरज-चमक के साथ बौछार पड़ सकथे। कुछ जगह मं हल्का से मध्यम दर्जा के बारिश हो सकथे, त एक-दू इलाकामं जोरदार बरसात के संभावना हे।

रायपुर अऊ दुर्ग मं बिहान ले बादल छाए रहिन, अऊ तापमान सामान्य ले 2 डिग्री कम होगे। किसान मन ला सलाह दी गे हे के खेत मं कटे फसल ला तुरते सुरक्षित जगह मं रख लें, काबर की तेज हवा अऊ पानी ले नुकसान हो सकथे।

बस्तर अऊ सुकमा इलाका मं 40-50 किलोमीटर प्रतिघंटा के रफ्तार ले हवा चले के चेतावनी जारी करे गे हे। प्रशासन ले भी जनता ला सचेत रहय के बात कही गे हे अऊ बिना जरूरी काम के घर ले बाहिर नइ निकरय के आग्रह करे गे हे।