एग्जाम हॉल में वीडियो बनाना पड़ीस भारी, 5 कर्मचारी सस्पेंड
Mahasamund News : महासमुंद। बोर्ड परीक्षा के बेरा एग्जाम हॉल के वीडियो बना के सोशल मीडिया में वायरल करे के मामला में शिक्षा विभाग ह कड़ा कदम उठाय हे। भंवरपुर के स्वामी आत्मानंद स्कूल (SAGES) परीक्षा केंद्र में बड़ लापरवाही अउ नियम मन के उल्लंघन पाय के बाद लोक शिक्षण संचालनालय (DPI) ह केंद्र अध्यक्ष, सहायक केंद्र अध्यक्ष अउ पर्यवेक्षक समेत कुल 5 कर्मचारी मन ला तुरंत सस्पेंड कर दीस हे।
का हे पूरा मामला?
महासमुंद जिला के परीक्षा केंद्र क्रमांक 171031 (स्वामी आत्मानंद स्कूल, भंवरपुर) में बोर्ड परीक्षा के समय सुरक्षा अउ जांच में भारी चूक होय रहिस। नियम मन ला ताक में रख के एक छात्रा ह परीक्षा हॉल के भीतर डिजिटल कैमरा लेके चल दीस। ओ छात्रा ह न केवल कैमरा अंदर ले जाके परीक्षा के वीडियो अउ ऑडियो रिकॉर्डिंग करिस, बल्कि ओला सोशल मीडिया में वायरल घलो कर दीस। ए घटना ले शिक्षा विभाग के इज्जत दांव में लग गे हे।
जांच में खुलीस पोल, ये मन ऊपर गिरीस गाज
जिला शिक्षा अधिकारी (DEO) महासमुंद के जांच में पता चलीस कि केंद्र में तैनात अधिकारी अउ कर्मचारी मन ह अपन ड्यूटी निभाय में घोर लापरवाही बरती हें। एला गंभीर मामला मानत हुए लोक शिक्षण संचालक ह 5 कर्मचारी मन ला सस्पेंड कर दीस हे:
-
गंगा प्रसाद पटेल – व्याख्याता (केंद्र अध्यक्ष)
-
अनिरूद्ध भोई – व्याख्याता (सहायक केंद्र अध्यक्ष)
-
दिनेश कुमार दास – व्याख्याता (सहायक केंद्र अध्यक्ष)
-
दुर्गाप्रसाद पटेल – सहायक शिक्षक एल.बी. (पर्यवेक्षक)
-
विजिया बुड़ेक – नियमित भृत्य
मुख्यालय तय करे गीस
आदेश के मुताबिक, सस्पेंड होय के दौरान ये पांचों कर्मचारी मन के मुख्यालय जिला शिक्षा अधिकारी कार्यालय, महासमुंद तय करे गे हे। विभाग ह डीईओ ला निर्देश दे हे कि 7 दिन के भीतर ये मन के खिलाफ चार्जशीट (आरोप पत्र) के ड्राफ्ट तैयार करके भेजें।
