सतनामी समाज के ऊपर आपतिजनक टिप्पणी करे वाला कथावाचक गिरफ्तार – कथा स्थल ले पकड़ीस पुलिस

छत्तीसगढ़ मं सतनामी समाज के भावना ला ठेस पहुंचाय बर कथावाचक दवारा आपतिजनक बोल बोले जईसे मामला गरमागर्म होगे. समाज के लोग मन अपन नाराजगी ज़ाहिर करत पुलिस प्रशासन ले कड़क कार्रवाई करे बर मांग करिन. जानकारी अनुसार कथावाचक अपन कथा कार्यक्रम के दौरान सतनामी समाज ऊपर गाय काटने अउ मूर्ख जनक बात कहे रहे, जऊन बात समाज के लोग मन बर अपमानजनक लगे.

घटना के बाद समाज के बइठक रखाय गे अउ एकमत होके आरोपित ऊपर कार्रवाई करे बर जिला पुलिस ला आवेदन देय गे. मामला के गंभीरता ला देखत पुलिस टीम तत्काळ कथा स्थल मं पहुंच के कथावाचक ला गिरफ्तारी मं ले लेथे. गिरफ्तारी के समय कथा स्थल मं भीड़ जमा होगे रहिस, पर पुलिस के सख्त पहरा से कोनो प्रकार के गड़बड़ी नई होईस.

समाज के प्रतिनिधि मन कहिन के “धार्मिक कार्यक्रम मं बैठे-बैठे कोनो समाज ला अपमानित करे के अधिकार कोनो बर नई ये.” उंकर कहना रहिस के ऐसे बयान समाजिक सौहार्द ला बिगाड़थे अउ गलत संदेश देथे.

पुलिस अधिकारी मन कहिन के पूरा मामला के जांच करय जाही अउ जऊन-जऊन बात सबुत मं पाय जाही, ओकर आधार मं आगे के कानूनी कार्रवाई होही.

फिलहाल, कथावाचक थाना मं हिरासत मं हवय अउ पूछताछ जारी हे. समाज के लोग मन उम्मीद करत हावंय के प्रशासन ऐसे मामले मं सख्ती ले कदम उठावत रही, जइसे समाजिक तानाबाना बनाय रखे जा सके.