जोहार छत्तीसगढ़ पार्टी प्रमुख अमित बघेल ला नहीं मिलिस राहत: हाईकोर्ट ह खारिज करिस जमानत याचिका
baghel bail rejected : बलौदा बाजार: जोहार छत्तीसगढ़ पार्टी के प्रमुख अमित बघेल के मुसकिल ह कम होय के नाम नहीं लेवत हे. छत्तीसगढ़ हाईकोर्ट ह ओकर जमानत याचिका ला खारिज कर दे हे. बलौदा बाजार आगजनी कांड म गिरफ्तार होय के बाद ओमन हाईकोर्ट म जमानत बर अरजी लगाय रिहिन, जौन ला कोर्ट ह खारिज कर दिस.
का आय पूरा मामला? बता दन कि जोहार छत्तीसगढ़ पार्टी प्रमुख अमित बघेल ला बलौदा बाजार कोतवाली पुलिस ह आगजनी कांड म सामिल पाय के बाद अलग-अलग मामला म कतकोन धारा के तहत गिरफ्तार करे रिहिस. एखर बाद अमित बघेल ह जमानत बर अरजी लगाय रिहिस. निचली अदालत (सेशन कोर्ट) से जमानत खारिज होय के बाद अब हाईकोर्ट से घलो ओकर जमानत याचिका खारिज हो गे हे.
कब्बो, काबर अउ कइसे होइस बलौदा बाजार अग्नीकांड? 15 अउ 16 मई 2024 के रात कूंछ उपद्रवी मन गिरौधपुरी धाम म सतनामी समाज के धार्मिक स्थल पूज्य जैतखाम म तोडफ़ोड़ कर दे रिहिन. पुलिस ह कार्रवाई करत हुए तीन आरोपी मन ला गिरफ्तार घलो करिस, पर समाज के लोगन मन ए कार्रवाई से खुश नहीं रिहिन अउ न्यायिक जांच के मांग करत रिहिन. एखर बाद गृहमंत्री विजय शर्मा ह न्यायिक जांच के एलान करिस.
अउ ओकर बाद 10 जून के दिन जैतखाम म तोडफ़ोड़ के विरोध म हजारों लोगन मन कलेक्ट्रेट के करा भेला (इकट्ठा) होइन अउ जमकर हंगामा करिन. ए परदरसन ह हिंसक हो गे, जेखर बाद उपद्रवी मन ह कलेक्ट्रेट म तांडव मचात हुए कलेक्टर अउ एसपी आफिस ला आग के सुपुर्द कर दिन. ए हिंसक घटना म सरकारी संपत्ति ला 12.53 करोड़ रुपिया के भारी नुकसान होय रिहिस. ए मामला म परसासन ह कड़ा एक्शन लेवत हुए 43 मामला म 187 लोगन मन ला गिरफ्तार करे रिहिस.
