जशपुर में प्लेन क्रैश के खबर निकलीस अफवाह
Jashpur News : जशपुर। जशपुर जिला के नारायणपुर इलाका में सोमवार के मंझनिया बेरा पहाड़ी ले धुआं उठत देख के विमान क्रैश होय के खबर उड़ गे रहिस, जेखर जांच करे बर परसासन तुरंत हरकते में आइस।
कलेक्टर अउ एसपी ह करिन जांच
हड़कंप मचत देख के जशपुर कलेक्टर रोहित व्यास अउ वरिष्ठ पुलिस अधीक्षक डॉ. लाल उमेंद सिंह खुद पहाड़ी तीर पहुँचिन। ओ मन पूरा जगह के बढ़िया ले मुआयना करिन अउ ग्रामीण मन ले घलो पुछताछ करिन।
सूखा पत्ता के आग ले फैलिस धुआं
परसासन ह साफ़ करे हे कि जंगल में सूखा पत्ता मन में आग लगे रहिस, जेखर से धुआं उठत रहिस। उही बेरा खनिज सर्वे वाला एक ठन हेलीकॉप्टर ओ पहाड़ी के एकदम तीर ले उड़त रहिस, जिला देख के गाँव वाले मन भरम में पड़ गे रहिस कि हेलीकॉप्टर ह क्रैश हो गे हे।
ड्रोन कैमरा ले घलो नई मिलिस कोनो सुराग
पुलिस, परसासन अउ वन विभाग के टीम ह ड्रोन कैमरा ले पूरा पहाड़ी के छानबीन करिन, लेकिन कोनो भी प्लेन या हेलीकॉप्टर गिरे के साक्ष्य नई मिलिस। कलेक्टर ह साफ़ कहिन हे कि प्लेन क्रैश होय के खबर सिरिफ एक ठन अफवाह ए, अइसन कोनो घटना नई होय हे।
