लइका मन के पढ़ाई बर सरकार देही हर महीना पइसा, जानव कइसे मिलही चिल्ड्रन एजुकेशन अलाउंस के लाभ

Children Education Allowance : केंद्र सरकार ह सरकारी कर्मचारी मन बर लइका मन के पढ़ाई-लिखाई के खरचा मा राहत देय बर ‘चिल्ड्रन एजुकेशन अलाउंस’ (CEA) योजना ला अऊ जादा सरल बना दे हे। नवा नियम के तहत अब कर्मचारी मन ला अपन लइका मन के स्कूल फीस, किताब अऊ वर्दी जइसन खरचा बर पहिली ले जादा आर्थिक मदद मिलिही।

का आय CEA अऊ कतका मिलथे पइसा?
चिल्ड्रन एजुकेशन अलाउंस एक अइसन मदद आय जेला सरकार ह अपन कर्मचारी मन ला हर महीना लइका मन के शिक्षा बर देथे। साल 2024 के नवा नियम के मुताबिक, अब हर लइका बर ₹2,812.5 हर महीना अऊ यदि लइका ह हॉस्टल मा रहिथे त ओखर बर ₹8,437.5 हर महीना के हिसाब ले भत्ता मिलिही। ये पइसा ह तय (फिक्स) हावे, चाहे आपके खरचा कतका घलो होय।

योजना के कुछ खास बात:

कतका लइका मन बर: ये सुविधा ह परिवार के सिरिफ़ दो लइका मन बर मिलथे। यदि दूसर बार मा जंवा (जुड़वां) लइका होथें, त ओ स्थिति मा घलो फायदा मिल सकथे।

उम्र के सीमा: लइका के उम्र 21 साल ले कम होना चाहिये। दिव्यांग लइका मन बर ये सीमा 22 साल रखे गे हे।

कन क्लास तक: नर्सरी ले लेके 12वीं तक अऊ डिप्लोमा या सर्टिफिकेट कोर्स के पहिली 2 साल तक ये मदद मिलथे।

मान्यता प्राप्त स्कूल: लइका के स्कूल ह सरकार (CBSE, ICSE या स्टेट बोर्ड) ले मान्यता प्राप्त होना जरूरी हे।

कइसे कर सकथौ क्लेम?
CEA के पइसा ह साल मा एक बार ‘रिइम्बर्समेंट’ (वापसी) के रूप मा मिलथे। एखर बर कर्मचारी ला स्कूल ले एक सर्टिफिकेट जमा करना होथे, जेमा ये लिखे राहय कि लइका ह उही साल उही स्कूल मा पढ़त रिहिस।

नवा नियम मा का हे खास?
नवा शिक्षा नीति (NEP 2020) के सेती यदि कोनो लइका ला एक क्लास ला दोबारा पढ़ना पड़थे, त सरकार ह ओ साल बर घलो भत्ता देय के फैसला करे हे। एखर अलावा, यदि कोनो कर्मचारी सस्पेंड हे, त ओला घलो कुछ शर्त के संग ये मदद मिल सकत हे। ये योजना ले सरकारी कर्मचारी मन के लइका मन के पढ़ाई के बोझ ह कम हो जाही।