अब एआई बनाही अउ जादा असली फोटो: गूगल ह लॉन्च करिस ‘Nano Banana 2’, जानव का हे एखर नवा खूबी

कैलिफोर्निया/रायपुर: गूगल ह अपन सबसे प्रसिद्ध एआई फोटो बनाय वाला मॉडल के नवा वर्जन ‘Nano Banana 2’ ल दुनिया भर मा लॉन्च कर दीस है। कंपनी के दावा हे कि ये नवा तकनीक पहिली ले कतका गुना जादा तेज, स्मार्ट अउ असली (Realistic) दिखने वाला फोटो बना सकत हे। अब मनखे मन ल अपन कल्पना ल फोटो मा बदले बर जादा इंतजार नई करे बर पड़ही, काबर कि ये ‘रियल-टाइम’ मा काम करथे।

पहिली ले जादा चमक अउ सफाई ‘Nano Banana 2’ ल Gemini Flash के सुपरफास्ट ताकत के संग बनाए गे हे। एखर ले फोटो के लाइटिंग, टेक्सचर अउ छोटे-छोटे डिटेल (जैसे चेहरा के चमक या कपड़ा के बुनावट) एकदम साफ नजर आथे। ये मॉडल मा यूजर मन 512px ले लेके 4K रेजोल्यूशन तक के फोटो बना सकत हव, जेखर उपयोग बड़े-बड़े डिजाइनिंग अउ प्रोफेशनल काम बर घलो करे जा सकही।

फोटो के भीतर लिखे जा सकही साफ आखर एकर एक अउ बड़का खूबी ये हे कि अब एआई फोटो के भीतर घलो साफ-साफ आखर (Text) लिख सकही। पहिली एआई ल फोटो मा नाम या कोटेशन लिखे मा दिक्कत होवय, पर अब ‘Nano Banana 2’ मार्केटिंग पोस्टर, ग्रीटिंग कार्ड या कोनो घलो विज्ञापन बर सुग्घर अउ पढ़े लायक आखर लिख के देही। एखर ‘वर्ल्ड नॉलेज’ अतका बढ़गे हे कि ये वेब सर्च के मदद ले कोनो घलो विषय ल सटीक तरीका ले समझथे।

यूजर के हाथ मा होही पूरा कंट्रोल गूगल ह ये नवा मॉडल मा ‘थिंकिंग लेवल्स’ (Thinking Levels) के सुविधा दीस हे। एखर मतलब ये हे कि यूजर तय कर सकही कि एआई ओखर निर्देश (Prompt) ल कतका गहराई ले समझे। अगर आप कोनो पेचीदा या कठिन फोटो बनवाए चाहत हव, त एआई ओला धीरे अउ ध्यान ले समझही ताकि रिजल्ट एकदम सटीक मिले।

कइसे कर सकत हव उपयोग? छत्तीसगढ़ के यूजर मन घलो अपन मोबाइल मा Gemini App ल अपडेट करके एखर मजा ले सकत हव।

1. सबसे पहिली अपन फोन मा Gemini App खोलव।

2. फोटो बनाए बर अपन निर्देश (Prompt) टाइप करव, जइसे- “एक ठन सुग्घर गांव के फोटो बना, जेमा सुआ नाच होवत हे।”

3. ‘Nano Banana 2’ ओला तुरंत प्रोसेस करही।

4. आप मन फोटो के साइज (Aspect Ratio) अउ क्वालिटी घलो सेट कर सकत हव।

5. कुछे सेकंड मा चकाचक फोटो तैयार हो जाही, जेला आप डाउनलोड कर सकत हव।