DGP-IG Conference : नवा रायपुर हाईअलर्ट म : पीएम-शाह के अगुवाई म, आज ले देश के सबो खाकी वर्दी धारी के मुखिया मन करहीं ‘सुरक्षित भारत’ बर मंथन…
DGP-IG Conference : रायपुर. हमर छत्तीसगढ़ के राजधानी रायपुर ह आज ले तीन दिन तक हाईअलर्ट म रही. काबर कि आज ले 30 नवंबर तक, नवा रायपुर म 60वां डीजीपी – आईजी सम्मेलन (कॉन्फ्रेंस) होवत हे. ए सम्मेलन के आज पहिली दिन हे.
DGP-IG Conference : गृहमंत्री शाह हावय उद्घाटन करइया: केंद्रीय गृहमंत्री अमित शाह ह बीती रात रायपुर पहुँच गे हे. मुख्यमंत्री समेत कतको नेता मन एयरपोर्ट म ओखर स्वागत करिन. अमित शाह ह आज ए बड़का सम्मेलन के उद्घाटन करही.
आज रात पीएम मोदी के आगमन: प्रधानमत्री नरेंद्र मोदी घलो आज संझा करीबन 7:30 बजे रायपुर एयरपोर्ट पहुँची. ओहाँ ले सीधा नवा रायपुर म M-01 बंगला जाही अउ रात म विश्राम करही. फेर 29 अउ 30 नवंबर ला कॉन्फ्रेंस म हिस्सा लेही.
read more : भारत‑साउथ अफ्रीका वनडे मैच रायपुर म : आज फेर होही ऑनलाइन टिकट बुकिंग सुरु…
सुरक्षित भारत’ बनाय के रद्दा (रोडमैप) होही तैयार
ए सम्मेलन ह ‘विकसित भारत: सुरक्षा आयाम’ थीम म होवत हे. एकर म मुख्य रूप ले देस ला सुरक्षित बनाय बर बड़का विचार-विमर्श होही.
एकर उद्देश्य ये हे कि पुलिस के चुनौती मन ले निपटे बर जेन प्रगति होए हे, ओखर समीक्षा करैं अउ ‘विकसित भारत’ के सपना के मुताबिक ‘सुरक्षित भारत’ बनाय बर एक नवा रद्दा (रोडमैप) बनाय.
कॉन्फ्रेंस म नक्सली समस्या (LWE), महिला सुरक्षा, आतंरिक सुरक्षा, अउ पुलिस व्यवस्था के विषय म अधिकारी मन गोठ-बात करहीं.
देस भर के डीजीपी, आईजी, एडीजी अउ सुरक्षा प्रमुख मन रायपुर पहुँचे हें. सबो राज्य अपन-अपन अपराध नियंत्रण के काम मन के प्रेजेंटेशन देहीं. एक ठन मॉडल राज्य चुन के सबो बर एक ठन कॉमन गाइडलाइन जारी करे जा सकत हे.
पीएम मोदी देहीं राष्ट्रपति पुलिस पदक
नवा रायपुर के भारतीय प्रबंधन संस्थान (IIM) म होवइया ए सम्मेलन म प्रधानमत्री विशिष्ट सेवा बर राष्ट्रपति पुलिस पदक घलो प्रदान करहीं.
पीएम मोदी ह 2014 ले ए वार्षिक सम्मेलन के स्वरूप म लगातार सुधार करे हे अउ नवा विचार मन ला प्रोत्साहित करे हे, जेकर सेती ये हर साल देस के अलग-अलग जगा म आयोजित होवत हे. छत्तीसगढ़ म पहिली बार ए बड़का आयोजन होवत हे, जेला राज्य बर बड़का उपलब्धि माने जावत हे.
