भारत‑साउथ अफ्रीका वनडे मैच रायपुर म : आज फेर होही ऑनलाइन टिकट बुकिंग सुरु…
भारत‑साउथ अफ्रीका वनडे मैच रायपुर : रायपुर. भारत अउ दक्षिण अफ्रीका (South Africa) के बीच 3 दिसंबर के नवा रायपुर के शहीद वीर नारायण सिंह अंतरराष्ट्रीय क्रिकेट स्टेडियम म दूसर वन डे मैच खेले जाही. ए मैच बर दूसर चरण के ऑनलाइन टिकट बुकिंग के साइट आज 28 नवंबर के संझा 5 बजे ले खोल दे जाही. एखर बर छत्तीसगढ़ स्टेट क्रिकेट संघ ह ‘टिकटजिनी डॉट इन’ (Ticketgenie.in) ला जिम्मेदारी दे हे.
भारत‑साउथ अफ्रीका वनडे मैच रायपुर : एखर पहिली 22 नवंबर के संझा 5 बजके 4 मिनट म बुकिंग साइट खुले रिहिस अउ सिरिफ 5 बजके 20 मिनट म ही बंद कर दे गे रिहिस. ए 16 मिनट के समय म ही 18 हजार टिकट के बुकिंग होय के दावा क्रिकेट संघ ह करे रिहिस. संघ के डायरेक्टर विजय शाह ह बताय रिहिस कि बुकिंग साइट म एकके ठन जादा दबाव बढ़ जाए के कारण सर्वर जाम होय के खतरा रिहिस, तेकरे सेती पहिली चरण के साइट ला बंद करे के बाद दूसर चरण के बुकिंग आज सुरु करे जाही. ए दूसर चरण म घलो पहिली कस ही नियम रही, जेकर म एक ठन आईडी म सिरिफ चार ठन टिकट दे जाही.
read more : Oil Heater Vs Fan Heater : ए जाड़ म कउन बचाही जादा बिजली? जानव कउन ला लेवइ म हे समझदारी
ऑनलाइन टिकट बुक कराए के बाद ओकर फिजिकल टिकट लेहे बर ऑनलाइन बुक करेइया मन ला अपन स्मार्टफोन लेके राजधानी के बूढ़ातालाब म जमे इंडोर स्टेडियम के काउंटर म आय बर परही. ए काउंटर ह 24 नवंबर ले खोल दे गे हे, जे ह 2 दिसंबर के संझा तक रही. 50 हजार ले जादा दर्शक क्षमता वाले ए अंतरराष्ट्रीय स्टेडियम म क्रिकेट संघ ह 46 हजार टिकट बेचे के जानकारी देहे रिहिस.
22 नवंबर के 18 हजार टिकट बुक कराएइया मन म ले अब तक 70 फीसदी, माने 12 हजार 600 टिकट ह काउंटर ले दे दे गे हे. जे मन शहर ले बाहिर ले टिकट बुक कराए हे, ओ मन ला राहत देहे बर एजेंसी डहर ले दूसर शहर म काउंटर के इंतजाम नइ करे गे हे. ए घलो साफ नइ हो पाए हे कि 3 दिसंबर के क्रिकेट स्टेडियम के आस-पास फिजिकल टिकट मिलही के नइ.
