बिलासपुर ट्रेन हादसा: कांग्रेस कहिस– पूरा जांच करवव, मरे हे तेकर परिवार ला 1 करोड़, घायल मन ल 10 लाख देऊ

बिलासपुर म रेल हादसा बहुत दुखद घटना होइस. एक पैसेंजर ट्रेन, ह खड़े मालगाड़ी म जा टकराई रहे, जऊन म 8 झन के दुखद मौत हो गे अउ करीब 16-17 झन घायल होइन. दो झन अभी घलो डब्बा म फंसे रहिन, जेकर रेस्क्यू करे बर बोगी ला काटे के काम करे जात रहिस.

इही हादसा म Congress पार्टी आगे आके सरकार ले कड़ा सवाल उठाइस. कांग्रेस कहिस, रेल विभाग म भारी लापरवाही दिखत हे, येकर ले इहाँ उच्च-स्तर म जांच करवई जाय. पार्टी कहिस कि जे मन मरे हे, ओमन के परिवार ला 1 करोड़ मुआवजा देय जावे, अउ जऊन घायेल हवंय ओमन ला 10 लाख देय जावे. घायेल मन बर फोकट इलाज के मांग घलो Congress करिस.

Congress नेता मन कहिन, आम जनता के जान ले खिलवाड़ नइ हो सके. रेल विभाग ला जिम्मेदारी ले अपन काम करे बर कहे गीस अउ हादसा बर दोषी के उपर सख्त कार्रवाई के मांग करिस.

घटना के बाद प्रशासन अउ रेलवे विभाग रेस्क्यू म जुड़ गे हवंय. घायल मन ला अस्पताल भेज के इलाज चलत हे. सरकार कहिस कि जांच के बाद जिम्मेदार मन ऊपर कार्रवाई होही.

लोगन मन के बीच म दहशत फैले रहिस, अउ ट्रेन सेवा घलो थोडा देर बर बाधित होई रहिस. घटना के बाद रेल सुरक्षा व्यवस्था ऊपर फिर सवाल खड़े होवत दिखत हे.