Chhattisgarh Railway News : छत्तीसगढ़ ले गुजरइया 7 ट्रेन मन रद्द, यात्री मन होही परेशान…
Chhattisgarh Railway News : रायपुर: छत्तीसगढ़ के रेल यात्री मन बर एक बार फेर दिक्कत वाले खबर आवत हे। रेलवे प्रशासन ह दक्षिण मध्य रेलवे के सिकंदराबाद मंडल म काजीपेट-बल्लारशाह सेक्शन के बीच तीसरी लाइन ला जोड़े बर अउ नवा लाइन के कमीशनिंग बर काम शुरू करत हे। ए तकनीकी काम (प्री-एनआई अउ एनआई) के सेती दक्षिण पूर्व मध्य रेलवे (SECR) ले होके गुजरइया 7 बड़े ट्रेन मन ला रद्द करे गे हे। रेलवे के ए फैसला ले कोरबा, दुर्ग अउ बिलासपुर ले आय-जाय करइया यात्री मन के परेशानी बढ़ जाही।
Chhattisgarh Railway News : रद्द होवे वाली ट्रेन मन म कोरबा-तिरुवनंतपुरम एक्सप्रेस (22647) ह कोरबा ले 28 अउ 31 जनवरी, अउ 4, 7, 11 अउ 14 फरवरी के नई चलय। ओसने वापसी म कोचुवेली-कोरबा एक्सप्रेस (22648) घलो 26, 29 जनवरी अउ 2, 5, 9 अउ 12 फरवरी के रद्द रही। रक्सौल अउ सिकंदराबाद के बीच चलइया ट्रेन (07005 अउ 07006) घलो 3-3 फेरा बर रद्द कर दे गे हे। एकर अलावा पटना अउ चर्लपल्ली के बीच चलइया स्पेशल ट्रेन मन (03253, 07255 अउ 07256) घलो जनवरी अउ फरवरी म नई चलय।
ट्रेन मन के रद्द होवे के संगे-संग कुछु गाड़ी मन के रस्ता घलो बदले गे हे। यशवंतपुर-कोरबा एक्सप्रेस (12251) ला 27 जनवरी अउ फरवरी के कुछ दिन मन म काचीगुडा, निजामाबाद अउ नागपुर होवत निकाले जाही, जेकर से ए ट्रेन ह अपन टेम ले देरी म पहुंचही। ओसने दरभंगा-सिकंदराबाद एक्सप्रेस (17008) ह घलो 11 फरवरी के सवा घंटा देरी ले छूटही। रेलवे ह यात्री मन ले कहे हे कि घर ले निकले के पहिली ट्रेन के सही जानकारी जरूर पता कर लेंव ताकि स्टेशन म जाके परेशान होय झन लगे।
