Telegram Viral Video Market : सावधान! टेलीग्राम में बिकत हे ‘प्राइवेट वीडियो’: 100-200 रुपया में कपल मन के इज्जत नीलाम करत हें दलाल, छत्तीसगढ़ी वीडियो के भारी डिमांड
Telegram Viral Video Market : रायपुर : सोशल मीडिया के ए जमाना में हमर प्राइवेसी ऊपर एक बड़का खतरा मंडरावत हे। पिछला कुछ दिन ले एक कपल के ’19 मिनट 34 सेकेंड’ वाला वीडियो का वायरल होइस, टेलीग्राम अउ इंस्टाग्राम में अश्लील वीडियो के एक पूरा काला बाजार खुल गे हे। सबले चकित करे वाला बात ये हे कि ए गंदा बाजार में छत्तीसगढ़ी कपल (CG Couple) के प्राइवेट वीडियो मन के सबले जादा मांग हे अउ लोगन मन एला देखे बर कतको पइसा दे बर तैयार हें।
Telegram Viral Video Market : कइसे होथे अश्लील वीडियो के ‘डील’?
बड़का मीडिया रिपोर्ट मन ले खुलासा होय हे कि टेलीग्राम में अइसे कतको ग्रुप अउ दलाल मन सक्रिय हें, जे मन पइसा लेके प्राइवेट वीडियो बेचत हें। ए ग्रुप मन में बाकायदा ‘रेट लिस्ट’ लिखे जाथे। दलाल मन ग्राहक मन के पसंद के हिसाब ले वीडियो भेजथें। खबर मिले हे कि छत्तीसगढ़, मध्यप्रदेश, बंगाल अउ दिल्ली जैसे राज्य मन के कपल वीडियो के डिमांड सबले जादा हे। दलाल मन सीधा व्हाट्सएप या टेलीग्राम में पइसा मांगथें अउ फेर लिंक भेज देथें।
अपन मोबाइल ले लीक होवत हे डेटा
जांच में ए बात घलो आगू आई हे कि ए सबो वीडियो कउनो लुका के नई बनाए गे हे, बल्कि ये मन लइका मन के अपन मोबाइल ले लीक होय हे। चाहे मोबाइल चोरी हो गे हो, या रिपेयरिंग बर दे गे हो, या फेर ऑनलाइन स्टोरेज हैक हो गे हो—आपकर निजी वीडियो ए दलाल मन के हाथ लग जाथे। एक बार इंटरनेट में वीडियो आइस, त ओला डिलीट करना भारी मुस्किल हो जाथे काबर कि टेलीग्राम में ए मन ला ट्रैक करना कठिन हे।
हर उम्र के वीडियो के बाजार
हैरानी के बात ये हे कि ए दलाल मन करा खाली जवान लइका-लड़की मन के नई, बल्कि उम्रदराज महिला मन के घलो प्राइवेट वीडियो मौजूद हे। बंगाल के एक चर्चित कपल के वीडियो ला जब सोशल मीडिया ले हटा दे गे रिहिस, तब घलो ओहा टेलीग्राम में धड़ल्ले ले बिकत रिहिस। दलाल मन ले होय गोठ-बात के स्क्रीनशॉट ह ए पूरा गैंग के पोल खोल दे हे।
पुलिस के चेतावनी: वीडियो खोजना घलो हे अपराध
छत्तीसगढ़ पुलिस अउ साइबर एक्सपर्ट मन ह चेतावनी दे हें कि अइसन वीडियो ला खोजना, डाउनलोड करना या ककरो कोती भेजना IT एक्ट के तहत बड़का अपराध आय। अइसे करे ले जेल अउ भारी जुर्माना घलो हो सकत हे। अपन मोबाइल ला सुरक्षित रखव अउ कउनो अनजान मनखे ला अपन प्राइवेट फोटो-वीडियो झन देव।
