छत्तीसगढ़ मं बने ला जाही चार नवा मेडिकल कॉलेज, छह ठन बड़का निर्माण परियोजना ला मिलिस मंजूरी”

छत्तीसगढ़ सरकार अब स्वास्थ्य सेवा मं नवा इतिहास रचत हवय। मुख्यमंत्री विष्णुदेव साय के नेत्रत्व मं सरकार 1,390 करोड़ रुपिया के लागत मं चार नवा शासकीय मेडिकल कॉलेज अउ छह ठन बड़का निर्माण परियोजना के मंजूरी दे हवय। ये मंजूरी छत्तीसगढ़ मेडिकल सर्विसेज कॉर्पोरेशन लिमिटेड के 51वीं बैठक मं मिलिस।

राज मं मनेंद्रगढ़, कबीरधाम, जांजगीर-चांपा अउ गीदम मं नवा मेडिकल कॉलेज बनही। मनेंद्रगढ़ कॉलेज बर ₹323.03 करोड़, कबीरधाम बर ₹318.27 करोड़, जांजगीर-चांपा बर ₹318.27 करोड़ अउ गीदम बर ₹326.53 करोड़ के लागत मं काम होही। येकर अलावा मनेंद्रगढ़ मं 220 बिस्तर वाला अस्पताल भवन बर ₹28.48 करोड़ अउ बिलासपुर मं आयुर्वेद अस्पताल भवन बर ₹79.52 करोड़ के मंजूरी मिल गे हवय।

परियोजना के निविदा दर मंजूर होगे के बाद अब निर्माण के काम जल्दी सुरू होही। ये सब बन जाए के बाद राज के जनता ला अपन राज मं बने स्वास्थ्य सुविधा मिलही, बड़े सहर मं इलाज बर जावत परे नई होही।

स्वास्थ्य मंत्री श्याम बिहारी जयसवाल कहिन कि मुख्यमंत्री विष्णुदेव साय के सोच अउ नेत्रत्व मं स्वास्थ्य सेवा मं नवा दिशा मिलत हवय। नवा कॉलेज बनिसे स्वास्थ्य शिक्षा अउ उपचार सेवा मं तेजी ले विकास होही।

ये फैसला छत्तीसगढ़ के जनता बर एक ठन बड़का कदम आय, जेन ले प्रदेश मं स्वास्थ्य व्यवस्था अउ सुविधा मं बहुत सुधार आही।