छत्तीसगढ़ सरकार के यू-टर्न: सरकारी कर्मचारी मन बर जारी राजनीतिक पाबंदी के आदेश 24 घंटा म स्थगित
cg govt order suspended : रायपुर। छत्तीसगढ़ सरकार ह सरकारी कर्मचारी मन बर जारी करे गे एक बड़े फैसला ल सिरिर्फ 24 घंटा के भीतर ही रोक देवे हे। कालीच सामान्य प्रशासन विभाग ह एक आदेश जारी करे रिहिस, जेमा कहिगे रिहिस कि कोनो भी सरकारी कर्मचारी कोनो राजनीतिक दल या संगठन के सदस्य नई बन सकय, न ही ओखर कोनो पद म बइठ सकय।
दरअसल, विभाग ह सबो कलेक्टर अउ विभागाध्यक्ष मन ल चिट्ठी लिखके साफ कर दे रिहिस कि छत्तीसगढ़ सिविल सेवा नियम के तहत कर्मचारी मन ल कोनो भी राजनीतिक गतिविधि म सामिल होय के इजाजत नई हे। आदेश म ये घलो कहे गे रिहिस कि बिना अनुमति के कोनो संस्था या समिति म पद नई ले जा सकय। अगर कोनो नियम तोड़तीस, त ओखर ऊपर कड़ी कार्रवाई के चेतावनी घलो दे गे रिहिस।
अचरज के बात ये हे कि ये आदेश जारी होय के अगले ही दिन सरकार ह नवा चिट्ठी जारी करके पुराना आदेश ल ‘अगले आदेश तक’ स्थगित कर दे हे। सरकार के ये तुरत-फुरत यू-टर्न ले अब प्रशासनिक गलियारा म थोरकन चर्चा घलो बढ़ गे हे कि आखिर अइसन का बात होइस जेकर ले सरकार ल अपन फैसला 24 घंटा म ही बदले बर पड़गे।
