रायपुर मं आज अउ काली राज्य स्तरीय रोजगार मेला, 72 कंपनी 11,700 पद मं करहीं भर्ती
Chhattisgarh Employment Fair : रायपुर। राजधानी के बूढ़ापारा स्थित सरदार बलबीर सिंह जुनेजा इंडोर स्टेडियम मं 7 अउ 8 अक्टूबर ला राज्य स्तरीय रोजगार मेला लगही। रोजगार विभाग के ओर ले आयोजित ये मेला मं 72 ले जियादा कंपनी शामिल होहीं। अलग-अलग पद मं कुल 11,700 भर्ती के मौका रहिही। पद अउ योग्यता के हिसाब ले चयनित युवामन ला 10 हजार ले 50 हजार रुपिया तक मासिक तनख्वाह मिलही।
10वीं-12वीं ले लेके इंजीनियरिंग अउ एमबीए तक के युवामन बर मौका
रोजगार मेला मं 10वीं, 12वीं पास, आईटीआई, डिप्लोमा, इंजीनियरिंग, कृषि स्नातक, सामान्य स्नातक, एमबीए अउ एमसीए करे युवा मन हिस्सा ले सकहीं। कंपनी मन फिटर, वेल्डर, इलेक्ट्रीशियन, मशीन ऑपरेटर, मेकेनिकल इंजीनियर, सर्विस इंजीनियर, सिक्योरिटी गार्ड, डिलीवरी अउ केयरटेकर जइसने पद मं भर्ती करहीं।
नर्सिंग के पद मं अनुभव के आधार ऊपर 7 हजार ले 35 हजार रुपिया तक मासिक वेतन देय के जानकारी विभाग ले दी गे हे।
छत्तीसगढ़ के संग दूसर राज्य मं घलो नौकरी के मौका
मेले मं चयनित युवामन ला रायपुर, बिलासपुर, कोरबा, रायगढ़, अंबिकापुर, जशपुर, धमतरी, महासमुंद, राजनांदगांव अउ कवर्धा मं काम करे के मौका मिलही। एखर अलावा गुजरात, महाराष्ट्र, उत्तर प्रदेश, दिल्ली, कर्नाटक, झारखंड, ओड़िशा अउ पश्चिम बंगाल मं घलो अलग-अलग पद बर भर्ती होही।
ऑनलाइन आवेदन जरूरी
रोजगार मेला मं शामिल होय बर युवामन ला 7 अक्टूबर तक ई-रोजगार पोर्टल मं ऑनलाइन आवेदन करना जरूरी हे। पोर्टल मं ‘रोजगार इच्छुक लॉगिन’ विकल्प के जरिए आवेदन करना होही। ऑनलाइन आवेदन करे के बाद ही निर्धारित तारीख अउ समय मं मेला स्थल मं पहुंच सकहीं।
रोजगार विभाग के सहायक संचालक केदार पटेल के मुताबिक, कंपनियन ले नियुक्ति मिलगे के बाद विभाग तीन महीना तक चयनित युवामन के फॉलोअप घलो लेही।
