CG Weather Update: साइक्लोन ‘मोंथा’ ले बदले बरसात के रुख, तेज हवा अऊ भारी बारिश के आसार

CG Weather Update: छत्तीसगढ़ मं फेर एक बेर मौसम के मिजाज बदलत दिखत हवय। दक्षिण-पश्चिम बंगाल के खाड़ी मं बने ‘मोंथा’ चक्रवात के असर ले दक्षिणी छत्तीसगढ़ मं 28 अऊ 29 अक्टूबर के दिन भारी बारिश हो सकथे। मौसम विभाग के मुताबिक, 50 ले 60 किलोमीटर प्रतिघंटा तक के तेज हवा चले के संभावना बनत हवय।

पिछले 24 घंटा मं रायपुर मं सबले ज्यादा तापमान 32.5 डिग्री अऊ पेंड्रारोड मं न्यूनतम तापमान 19 डिग्री सेल्सियस दर्ज करे गे हवय। बेलगहना मं 3 सेमी, अऊ पिपरिया, कशडोल, अंतागढ़, छुईखदान अऊ भिंभोरी मं 1 सेमी बरसात होई हवय।

राजधानी रायपुर मं सुबह ले बादल छाए रहिन, कुछेक जगह बूंदाबांदी घलो होई। मौसम विभाग के कहना हवय कि दक्षिणी इलाका – दंतेवाड़ा, सुकमा, नारायणपुर, कांकेर अऊ बस्तर मं झमाझम बारिश के संभावना हवय। हवा के रफ्तार 70 ले 80 किमी प्रतिघंटा तक जा सकथे।

रायपुर मं आज के मौसम:
मौसम विभाग के मुताबिक, रायपुर मं आज बादल गरजही, बिजली चमकही अऊ बारिश के संभावना रहिही। तापमान 25 ले 30 डिग्री सेल्सियस के बीच रह सकथे।